صمت الجروح
04-10-2007, 02:32 AM
:
:
البارحه من حر ما بي من هموم
قمت اتقلب ازعجتني همومي
تذرف دموعي والبشر كلها نوم
ولا لي جدا ياغير عد النجومي
على وليف(ن) صابني بعشرة سهوم
اقفى وخلاني أعظ البهومي
قال الفراق وبينا الحب معدوم
مافيه احد(ن)مع وليفه يدومي
قلت السبب قال السبب هرج مذموم
قلت اتوكد قال ماله لزومي
وقفيت كني ماكلن الزاد مسموم
بين الحياء والموت تسعين يومي
جسمي نحل واللي بقاء هيكل هدوم
والعقل خـف ولا لحياتي لـزومي
نخيت ناس(ن) تنقل الحمل وتقوم
ذيابـــةً يوم الرخـايم تحـومـي
طيور شلوى بين شاري ومسيوم
عدوهم يوم الملاقى مهزومي
بيوتهم مدهال عاني ومضيوم
ورفيقهم بالحيل دوم محشومي
هابوه ماجابو من الصافي علوم
راسه عنيدً مالقاء له قرومي
لا وحسايف خيبو ضني القوم
تغيرو مابين لحظه ويومي
هرجي معاهم يافتى كنه حلوم
مابيهم الى لا نخيته يقومي
قالها بو ممدوح والقاف مفهوم
ما يقضي الحاجات قلب(ن) رحومي
لو هو نبت بالأرض ولا مع الحوم
ماله مطير(ن) لو سكن بالنجومي
خلي أجيبه لو بها كسرة خشوم
قلب وشجاعه والمهمه عزومي
أجيه لو عمري بقاء بأخره يوم
اِذا وعدت اوفي وهذي سلومي
:
البارحه من حر ما بي من هموم
قمت اتقلب ازعجتني همومي
تذرف دموعي والبشر كلها نوم
ولا لي جدا ياغير عد النجومي
على وليف(ن) صابني بعشرة سهوم
اقفى وخلاني أعظ البهومي
قال الفراق وبينا الحب معدوم
مافيه احد(ن)مع وليفه يدومي
قلت السبب قال السبب هرج مذموم
قلت اتوكد قال ماله لزومي
وقفيت كني ماكلن الزاد مسموم
بين الحياء والموت تسعين يومي
جسمي نحل واللي بقاء هيكل هدوم
والعقل خـف ولا لحياتي لـزومي
نخيت ناس(ن) تنقل الحمل وتقوم
ذيابـــةً يوم الرخـايم تحـومـي
طيور شلوى بين شاري ومسيوم
عدوهم يوم الملاقى مهزومي
بيوتهم مدهال عاني ومضيوم
ورفيقهم بالحيل دوم محشومي
هابوه ماجابو من الصافي علوم
راسه عنيدً مالقاء له قرومي
لا وحسايف خيبو ضني القوم
تغيرو مابين لحظه ويومي
هرجي معاهم يافتى كنه حلوم
مابيهم الى لا نخيته يقومي
قالها بو ممدوح والقاف مفهوم
ما يقضي الحاجات قلب(ن) رحومي
لو هو نبت بالأرض ولا مع الحوم
ماله مطير(ن) لو سكن بالنجومي
خلي أجيبه لو بها كسرة خشوم
قلب وشجاعه والمهمه عزومي
أجيه لو عمري بقاء بأخره يوم
اِذا وعدت اوفي وهذي سلومي