هل تؤيد قيادة المرأه ؟؟؟؟؟

[RAKAN]

[Link nur für registrierte Benutzer sichtbar]

مسائكم ورد وعسل

اليوم عن سواقة المرأه الموضوع طبعا كنت مواعد
اخوي هتلر الوعيلي على مناقشة الموضوع واعتذر
منه عالتاخير وذلك لاني مادخلت المنتدى الا اليوم بظروف الاجازه
المهم
بحثت عن شي جديد في طرح الموضوع وتذكرت
ان نص طلاب صفي اهاليهم علمانين المهم اتصلت على واحد
منهم وسئلته عن الموضوع وشاخر المستجدات عن سواقة الحريم
شويات الاهو مرسلي هالعريضه ويقول انه جماعتهم العلمانين
يقولون احتمال يوافقون عليه ديوان مجلس الوزراء بعد ماقدموها لهم
طبعا العريضه منتشره بالنت على ماعتقد

شوفو التوصيات وبنكمل


توصيات مجلس الشورى إلى رئاسة ديوان مجلس الوزراء

أنظمة وتعليمات قيادة النساء للسيارات

تنظيم وتعليمات قيادة المرأة للسيارة :

1- ألا يقل عمر السائقة عن 30 سنة .
2- موافقة ولي أمر السائقة على قيادتها للسيارة .
3- الحصول على رخصة قيادة من مركز تعليم القيادة النسائي .
4- أن تكون السائقة محتشمة في لبسها ولا تضع أي مواد للزينة بتاتاَ .
5- يسمح لها بالقيادة داخل المدينة فقط
ولا يسمح لها بالقيادة خارجها بدون محرم سواء القرى أو الضواحي .
6- تحدد أوقات السماح بالقيادة من الساعة السابعة صباحا وحتى الساعة الثامنة ليلاً
أيام السبت إلى الأربعاء, وفي يومي الخميس والجمعة من الساعة الثانية عشر
بعد الظهر إلى الساعة الثامنة مساء .
7- أن تحمل معها هاتفاً للحالات الطارئة .
8- الإتصال على مركز المرور النسائي في حالات التعديات والمشاكل أوعطل السيارة .
9- دفع مبلغ مالي معين سابقاً في حساب الرخصة لدى المرور النسائي مخصص

لتصليح أعطال وبنشر السيارة عند الحصول على الرخصة .



ب- الجهات المسؤولة :

1- إيجاد قسم مرور نسائي مختص بقبول البلاغات عن التعديات على السائقات
والاتصال بشركات الإصلاح والبنشر وجر السيارات
وكذلك الاهتمام بأمر المخالفات المرورية وتحريرها .

2- إيجاد رقم هاتف مجاني للمرور النسائي .
3- وضع مراكز داخل المدينة للمرور النسائي تشرف عليها جهات دينية مسؤولة .
4- استحداث شركات مختصة بالصيانة الخفيفة والبنشر وجر السيارات بالتنسيق
مع المرور النسائي .
5- تجديد رخصة السير كل سنة وأخذ قيمة الإصلاحات وجر السيارة مقدما .
6- على رجل المرور استدعاء المرور النسائي لتحرير المخالفة ضد السائقة
وعدم الحديث معها بتاتاً .
7- معاقبة من ينتهك الأنظمة دون إستثناء لان انتهاك أي من هذه القوانين هو انتهاك
للأعراض وأمن البلد .

ج- أنظمة العقوبات :

فيما يتعلق بالعامة :

-1- معاقبة من يتحدث إلى سائقة بعقوبة لا تقل عن السجن لمدة شهر مع الغرامة المالية .
2- من يثبت عليه محاولة التحرش أو مطاردة أو معاكسة سائقة يعاقب بالسجن
مدة لا تقل عن ثمانية أشهر مع الغرامة المالية .
3- معاقبة من يحاول التضييق على السائقة في السير بالتوقيف لمدة يوم مع الغرامة .

فيما يتعلق بالسائقة :-

عند ثبوت قيام السائقة بما هو مخل للآداب والشرع للمرة الأولى تعاقب بالآتي :

1- سحب رخصة القيادة منها لمدة لا تقل عن ستة أشهر
مع الغرامة المالية(500-1000ريال) وأخذ التعهد عليها بعدم العودة
تقوم به رئاسة المرور النسائي
2- إبلاغ ولي أمرها رسمياً عن طريق هيئة الأمر بالمعروف والنهي عن المنكر

نقاشنا بيكون حول التالي

1/ وشرايكم بتوصياتهم هالعلمانين ؟ لاتنسون تنكتون عليها عشان نضحك خخخخخخ حاقد عليهم

2/ هل انت موافق على سواقة المرأه السعوديه ؟

3/ طبعا السؤال هاذا يختلف عن اللي قبله لان هاذا بشكل خاص
هل أنت موافق على سواقة أمك أختك خالتك عمتك جدتك <<< ليش لا؟؟؟؟؟

لاتحرمونا مناقشتكم ومضارباتكم بالموووضوع

RAKAN كان هنا

[خالد]

لاوالله مهب موافق على قيادة المرأه للسياره

ويعطيك الف عافيه

[مرجوج]

1/ وشرايكم بتوصياتهم هالعلمانين ؟ لاتنسون تنكتون عليها عشان نضحك خخخخخخ حاقد عليهم

مثل ماقلت علمانين بس لوتعرفني على ابونظارات طبيه خخخخخخخخخخ

واذا تبي تضحك الوضع كذا لاساقن
الآن
{{ أم رجل }}
كامري بحري 2007
عالقزازه
خشتنا اليوم جنونيه
ولعيون راكان مهديه:s54: :s54: :s54:
وعاللوحه مكتوب ابله نوووره

{{ عجوز منفوحه }}
اكورد ابيض 2007
الجميع موجهين الفروسيه
مراسلاتنا الشنبات من قلب المواتر
حمسه ,,, فريال خانوا ,, صيته اخت مهند:s53: :s53: :s53: :s

الساعه بتوقيت دكة المحتار 08:38 PM.

اهم شي تضحك ياالاشق


هل انت موافق على سواقة المرأه السعوديه ؟

والله بكيف الشعب خل اهلهم يسوقون وكل واحد مسؤل عن رعيته


هل أنت موافق على سواقة أمك أختك خالتك عمتك جدتك <<< ليش لا؟؟؟؟؟
لالالالا مستحيل اوافق ومثل ماقلتلك كل واحد مسؤل عن رعيته

بعدين افتح جوالك يادب

[{ ABO RGA }]

1/ وشرايكم بتوصياتهم هالعلمانين ؟

خراطين مشمش :s1:

2/ هل انت موافق على سواقة المرأه السعوديه ؟

لا والف لا ولو يذبحوني اقول لا :s1:

3/ هل أنت موافق على سواقة أمك أختك خالتك عمتك جدتك؟
اكيد لا لا لا لا :s1:

وربي لو تسوق الحرمه لا تصير كارثه بالسعوديه

عاد تخيل بدال ما نقول جاكم ابو خالد راعي الجي نقول ام خالد راعية الجي

وكاتبه على الكبوت انا بنت ابوي من يتحدى :s1:

بتصير حزسه وربي حوسه وذي قوانين اتحدى تحدي لو يتقيدون بها اتحدى

عان الشرطه سوو قوانين وحنا من جنبها هاه

واان اعلمك اول ما تسوق راح تشوف اللي يعبي لك البنزين واحد لابس غنره وعقال

واحلى شي ضحكني يوم يقولون بيسون شرطه نسائيه هههههههههههههههههههه

امحق بس امحق وذولي العلمانين عطني عنوان بيتنا اخليهم يتوبون عن ذا الكلام

قالوا ايش الحرمه تسوق امعصي :s1:

الحين الحرمه ما خليناها تروح تكسي ولا مع السواق لحالها

الحين تجي تقول لي خل الحريم يسوقون امعصي وانا ولد ابوي

وربي لو تسوق الحركه لشباب السعوديه بيصير فيهم جنون البقر تمتير الشوارع

واول ما تقول له امه ابيك تجيب مقاضي طيران ههههههههههههههه

ما يجيهم الا ثاني يوم ويفر هههههههههههههههههههههههههههههه

- استحداث شركات مختصة بالصيانة الخفيفة والبنشر وجر السيارات بالتنسيق
مع المرور النسائي .

ههههههههههههههههههههههههههههههههههههههههههههه

ابشرك اول المتقدمين انا :s1:

انا بقول لك زبدة الكلام كله اللي فوق " الحرمه مالها الا مطبخها " :s1:

لاهنت اخوي راكان على الموضوع

مستر .. ولآعــه

[خروج المغلوب]

انا ماني موافــــــــــــــــــــــق نهائيا

تدورن ليه؟؟



الحين الحريم ماليات البيوت وكل بيت فيه تقريبا رجالين وسبع حريم على الاقل


يعني اربع اضعاف الرجال


فمابالك اذا ساقن شوف عاد الزحمه وانواع الحوادث

[مرجوج]

1/ [color=#FF0000]- استحداث شركات مختصة بالصيانة الخفيفة والبنشر وجر السيارات بالتنسيق
مع المرور النسائي .
ههههههههههههههههههههههههههههههههههههههههههههه
ابشرك اول المتقدمين انا :s1:

هههههههه
وانا معك بعد ابقدم وراكان مومقصر بيكلم ابونظارات طبيه:s26: :s26: يكلم
أبوه يتوسط لنا عشان موافقين عالنظام:s49: :s49: :s49:
يالبيه ياعرقه الجديده:s38: :s38: :s38:
بعدين عطنا رايك انت بالموضوع:s61: :s61: :s61:

مرجوج الحربي كان هنا :mouth: :mouth: :mouth:

[مايحتاج اوصيكـ]

اول شي الحمد الله على السلامه والعشاء عندنا قول تم <<< بدا الهياط :d..

والشي الثااني اشكرك على الموضووع وان شـاء الله اني اقنعكـ ..



1/ وشرايكم بتوصياتهم هالعلمانين ؟
سليم 100% ... وهذي نفس القوانين الي كنت ابيهم يحطونهـا .. بس هل بيتركون الحريم في حالهم ..؟..
من اول سنه نص الشعب مسجونين :d

2/ هل انت موافق على سواقة المرأه السعوديه ؟
اوااافقك وابصم لك بالعشر .. لان ياخوي عندك حريم ارملات وحريم ماعندهم عيال إلا صغار .... إلخ من النســاء .. بدال لا اجيب لي سواق .. ما ادري عنه ولا عن ذمته ولا شي ..
ما أضمن انه ما يسوي لأهلي اي شي ... وانا قد قلت لك الخربان خربان ..
وفيه حررريم لو ترررقد بين 10000000 رجااال اضمن وابصم لهم بالعشر انها ماجااهم شي
صح ولا لا ...

/ طبعا السؤال هاذا يختلف عن اللي قبله لان هاذا بشكل خاص
هل أنت موافق على سواقة أمك أختك خالتك عمتك جدتك <<< ليش لا؟؟؟؟؟
ايه .. بس امي وخواتي مهوب في حاااجه .. سواقه ولا شي .. لان حنا مشـاء الله درزن
بس الخاله العمه جدتي عادي لاني واثقه ومليون 100% اني اركن عليهم واعرف وين يرحون وعندي ثقه فيهم
مهوب عن ماعندي غيــّره لا .. كلاً فيه غيّرره بس ليه ما نعطي اهلنـا الثقه
اول بالاصح كلاً يرى الناس بعين طبعه انا شين ولا امشي صح العالم كلها كذا ..
وبعدين انت تطلع برا المملكه تروح الكويت تروح البحرين الامارات .. تشووف بنــات وحريم يسوقوون هل لقيت احد يتحرررج فيهم ..؟ لا
ما تشووف إلا الي خربانين .. هم الي يحقونهم البنات
ونفس ما قلت لك بشوف .. حرمه في سياره وتسوووق ..ومحتشمه هل ببتجراء وتكمله ولا تدق لها هرررن تخاااف تررميك والله هههههههههههههههههههه
اما لو تشووف منت مهوب محتشمه والعالم طابور وراه اكيد بتمسك لك طابور معهم هههههههههه
... وللحديث بقيــه


لاتحرمونا مناقشتكم ومضارباتكم بالموووضوع
نتظر مناقشتك الثاانيه :d

RAKAN كان هنا

طيب وش نسوووي لك كنت هنــا ههههههههههههههههههههههههه :d

[RAKAN]

1/

مثل ماقلت علمانين بس لوتعرفني على ابونظارات طبيه خخخخخخخخخخ
الآن
{{ [color=#CC0066]أم رجل }}
كامري بحري 2007
{{ عجوز منفوحه }}
اكورد ابيض 2007
الجميع موجهين الفروسيه
مراسلاتنا الشنبات من قلب المواتر
حمسه ,,, فريال خانوا ,, صيته اخت مهند:s53: :s53: :s53: :s
الساعه بتوقيت دكة المحتار 08:38 Pبعدين افتح جوالك يادب

هههههههههههههههههههه قويه
بطني يوجعني يايبورررجججج خخخخخخخخخخخخخخخخ
من جد تخيل ساره طوف نوف والخشه لعيون بشاير خخخخخخ قويه

بعدين ابونظارات علماني خخخخخ وانت عربجي مافيه توافق افكار


هتلر والبقيه لي رجعه

بس بعد ماروح امزمز بطعم ماما نوره ارجعلكم :mouth: :mouth:
RAKAN كان هنا

[مسـ ك ـين حالهـ]

والله بالنسبه لي يسوقون عادي ..

متعودين فالإمارات يسوقون وطارات ماشاء الله عليهم
بهههههههه بههههههه بههههههههه

[المراد]

اذا سمحو فيها ترا ضعنا ولو يحطون مليون شرط

لانك اذا فتحت الباب وحطيت شروط الشروط تقدر تتلاعب فيها وتدور مخارج اما اذا سكرت الباب من اصله ومنعت السواقه للحريم كذا هو المطلوب

يعني من الشروط انها محتشمه وبدون زينه طيب واذا حطت زينه خفيفه او كثيره شلون بيحكم عليها وش المقياس

والوقت بعد ماتقدر تظبطه ولا داخل مدينه ولا برا كلها لها مخارج

بس العلمانيين على قولك مرتبين اوراقهم صح يعني يبغون بس يصدر قرار سماح لو فيه مليون شرط وبعدها يبدون يعترضون على الشروط

ولعلمك مافيه شي يجي دفعه وحده

بس بعيد عن الموضوع خويانك اللي تقول عنهم ماودك تعزمهم على المنتدى [Link nur für registrierte Benutzer sichtbar]

[السكروب]

انا لا والف لا ومليون لا
لالقيادة المرأة

[RAKAN]

خالد
وجهك نظرتك ونتشرف فيها يالغلا وانا اوافق الراي مليون بالميه

مرجوج
هههههههههه اضحك لين الحين ورح استلم خفارتك ياحريسان أبركلك

بس كلامك صحيح محد يرضى

[RAKAN]

ولاعه

صدقت يالغالي الشعب ماشاف خير قسم بالله لايخربونها
اذا الورعان ماسلموا كيف البنات شعب متوحش خخخخخخخ

وبالنسبه للوظيفه انت ومرجوج ماضنيت بيوافقون عليكم
مرجوج دليته على شارع بعرقه الجديده سواء مصايب لهم
كيف انت ادلك بتجربعهم بجمسك خخخخخخخخخخخخ

خروج المغلوب
كلامي واقعي والله وصدقت يالذيب في ماقلت
وفعلا بتجينا مشاكل حنا في غنى عنها
خلهم يلقون حل للعوانس هالحين اللي الناس مايبون الا متعلمه
بعدين يفكرون في سواقة الحريم

شرفتني يالغالي بتواجدك


مسكين حاله
شرفتنا يالغالي بتواجدك ومشكور على ابدائك للراي

[المحتار الداج]

1/ وشرايكم بتوصياتهم هالعلمانين ؟
توصيات حلوه ..2/ هل انت موافق على سواقة المرأه السعوديه ؟

لأ
no
3/ هل أنت موافق على سواقة أمك أختك خالتك عمتك جدتك <<< ليش لا؟؟؟؟؟
لأ طبعاً
أول شي لأنه شي ماتعودنا عليه وشي مايتوافق أبداً مع مجتمعنا
ولو سمحنا لهم
أقسم بالله حتى ديننا بيضعف ..
مع احترامي لباقي الدول اللي حريمهم يسوقون

[RAKAN]

اول شي الحمد الله على السلامه والعشاء عندنا قول تم <<< بدا الهياط :d..
والشي الثااني اشكرك على الموضووع وان شـاء الله اني اقنعكـ ..
الله يسلمك يالغلا ومشكور عالعشاء
والمطلوب كله من الموضوع انشوف وجهات بعض يالغالي
سليم 100% ... وهذي نفس القوانين الي كنت ابيهم يحطونهـا .. بس هل بيتركون الحريم في حالهم ..؟..
من اول سنه نص الشعب مسجونين :d

يعني انت مقتنع ان السواقه بدخل الشعب السجن
يعني فيه مشاكل راااح تحصل صح


اوااافقك وابصم لك بالعشر .. لان ياخوي عندك حريم ارملات وحريم ماعندهم عيال إلا صغار .... إلخ من النســاء .. بدال لا اجيب لي سواق .. ما ادري عنه ولا عن ذمته ولا شي ..
ما أضمن انه ما يسوي لأهلي اي شي ... وانا قد قلت لك الخربان خربان ..
وفيه حررريم لو ترررقد بين 10000000 رجااال اضمن وابصم لهم بالعشر انها ماجااهم شي
صح ولا لا ...d

انا معك السواق ماوراه الا مشاكل قسم بالله شي سمعناه عنهم وشفناه بعد
يشيب الراس منه بس بنفس الوقت منه فايده كبيره
بس الحرمه اليتيمه صدقني بتلقى راعين خير يساعدونها بدون لتعرض نفسها
للمشاكل لانها لاساقت راااح تزيد مشاكلها صح


ايه .. بس امي وخواتي مهوب في حاااجه .. سواقه ولا شي .. لان حنا مشـاء الله درزن
بس الخاله العمه جدتي عادي لاني واثقه ومليون 100% اني اركن عليهم واعرف وين يرحون وعندي ثقه فيهم
مهوب عن ماعندي غيــّره لا .. كلاً فيه غيّرره بس ليه ما نعطي اهلنـا الثقه d

هتلر الثقه اكيد موجوده بالاهل ومافيه خير اللي مايثق في اهله
بس المسئله صعبه شوي تشوف امك تسوق معصي والله بعدين ماتعودنا
بهالشي

اول بالاصح كلاً يرى الناس بعين طبعه انا شين ولا امشي صح العالم كلها كذا ..
وبعدين انت تطلع برا المملكه تروح الكويت تروح البحرين الامارات .. تشووف بنــات وحريم يسوقوون هل لقيت احد يتحرررج فيهم ..؟ لا
ما تشووف إلا الي خربانين .. هم الي يحقونهم البنات
ونفس ما قلت لك بشوف .. حرمه في سياره وتسوووق ..ومحتشمه هل ببتجراء وتكمله ولا تدق لها هرررن تخاااف تررميك والله هههههههههههههههههههه
اما لو تشووف منت مهوب محتشمه والعالم طابور وراه اكيد بتمسك لك طابور معهم هههههههههه
... وللحديث بقيــه
نتظر مناقشتك الثاانيه :d...d
بالنسبه للكويت والامارات والبحرين على راسي والله بس هم متعودين
على الشي
هم لويشوفون كامري ناطله على متين وقفت قلوبهم صح
حنا ورعان يقطعون الشارع وهي ناطله على متين عادي
{ معليش تفكيري مهجولجي يفكر بخشة شوي وين }

ياشيخ حنا بالرياض ابكون صريح معك اكثر
ورع مزيون راكب مع ابوه ماسلم تلقاهم يتبعونه بالسياره لين يعرفون بيته { عندك مرجوج يفيدك اكثر}
خلك من ذا نص سيارات اللي يفحطون منين
من ورعان يتصيدولهم بالشوارع ويصفقونهم وياحظ الورع اللي ماياخذونه مع السياره
{ عندك مرجوج يفيدك اكثر } خخخ فضح فيك يامرجوج قبلك ابوشكيم راح غلطه
هاذا عينه بس كيف لونها بنت اللي تسوق صراحتن مدري وشبقولك
بس ماراح يسوقن لو يصير مايصير
الحين نظام البطاقه الشخصيه نص الحريم ماطلعنها معين رياجلهم وهي مافيها شي بنظري كيف السواقه
!!!!!!


طيب وش نسوووي لك كنت هنــا ههههههههههههههههههههههههه :d

مابيك تسوي شي ابيك تكتب مثل مرجوج كان هنا هو اللي فهمني خخخخخخخخخخ
بعدين هاذي شفره بلاقافه:clap_1: :clap_1: :clap_1:

[RAKAN]

اذا سمحو فيها ترا ضعنا ولو يحطون مليون شرط
لانك اذا فتحت الباب وحطيت شروط الشروط تقدر تتلاعب فيها وتدور مخارج اما اذا سكرت الباب من اصله ومنعت السواقه للحريم كذا هو المطلوب
يعني من الشروط انها محتشمه وبدون زينه طيب واذا حطت زينه خفيفه او كثيره شلون بيحكم عليها وش المقياس
والوقت بعد ماتقدر تظبطه ولا داخل مدينه ولا برا كلها لها مخارج
بس العلمانيين على قولك مرتبين اوراقهم صح يعني يبغون بس يصدر قرار سماح لو فيه مليون شرط وبعدها يبدون يعترضون على الشروط
ولعلمك مافيه شي يجي دفعه وحده

بس بعيد عن الموضوع خويانك اللي تقول عنهم ماودك تعزمهم على المنتدى [Link nur für registrierte Benutzer sichtbar]
هلا والله يالمراد

وانت وصلت للنقطه أللي كنت ابغى الشباب يتطرقولها وهي النظام
اذا الرياجيل النظام ماطبقوه وشتوقع من الحريم وهن ضلع اعوج { قويه يابنات بس تحملوا}
راااح تصير تجاوزات كثيره من الجميع
وخصوص لجتك بدويه زاحفه خخخخ تخلي بناتها يصفقن الشرطه النسائيه:clap_1: :clap_1:

وبالنسبه للعلمانين هاذا اللي يبون يتمسكنون حتى يتمكنون يبون بس
موافقه بسيطه وبعدها يسحبون على موضوع السواقه ويشفون غيره يشغلون فيه:s66: :s66:

وبالنسبه لخوياي العلمانين خخخ خلهم يولون انشاله السبت اول يوم دراسي لي بالقصيم
وعلى قولتهم عالاصل دورهناك افضل :clap_1: :clap_1: كني شايف وجه مرجوج مبسوط

وبالنهايه اسمحولي ياشباب عالتجاوزات بالرد بس والله مبسوووط :s65: :s65: { طيب وشنسويلك خخخخخخخ

[قاهرهم]

والله وانا اخوك كلنا معارضين وهذا فيه بلاوى وبتجى مصايب

وعسى الله يسترر بس

[RAKAN]

انا لا والف لا ومليون لا
لالقيادة المرأة

كفوا ياكفوا وانا اوافقك الراي ياذيبان

1/ وشرايكم بتوصياتهم هالعلمانين ؟
توصيات حلوه ..2/ هل انت موافق على سواقة المرأه السعوديه ؟

لأ
no
3/ هل أنت موافق على سواقة أمك أختك خالتك عمتك جدتك <<< ليش لا؟؟؟؟؟
لأ طبعاً
أول شي لأنه شي ماتعودنا عليه وشي مايتوافق أبداً مع مجتمعنا
ولو سمحنا لهم
أقسم بالله حتى ديننا بيضعف ..
مع احترامي لباقي الدول اللي حريمهم يسوقون

كلامك عين العقل يالمحتار شي ماتعودنا عليه كيف بنقبله
ومن ناحية الدين اكيد بيضعف

والله وانا اخوك كلنا معارضين وهذا فيه بلاوى وبتجى مصايب
وعسى الله يسترر بس

صدقت ياقاهرهم اكيد الجميع معارررض هالفكره اللي ماوراها الا المشاكل
ومانقول الا الله يستر بس

الجميع تشرفت بتواجدكم

[مايحتاج اوصيكـ]

اول شي ..
شفت رد المراد ..؟
ولعلمك مافيه شي يجي دفعه وحده

اول شي نرجع 20 سنه ورى ... او اكثر
هل كان فيه تدريس بنااات اول من عاارض عليه المتعصبين اوول من وخلى بناتهم يدروسن المتعصبين .... وجاء تحرريم ان الحرريم يدرسون وهذا نفس ما قاله المراد مافيه شي يجي دفه وحده


يعني انت مقتنع ان السواقه بدخل الشعب السجن
يعني فيه مشاكل راااح تحصل صح
ما فيه شي مافيه مشااكل ... ليه انت تدور المشااكل .. ليه تدري انه هذي الشغله ان بتجيب لي مشكله .. ليه اروح يعني انا ويكرم المنتدى والي يقراء انا حمـار .. ماعندي عقل
يعني اشووف االنار واعرف ان هذي نار ودخل فيها ... مهوب معقول ..
..........
انا معك السواق ماوراه الا مشاكل قسم بالله شي سمعناه عنهم وشفناه بعد
يشيب الراس منه بس بنفس الوقت منه فايده كبيره
بس الحرمه اليتيمه صدقني بتلقى راعين خير يساعدونها بدون لتعرض نفسها
للمشاكل لانها لاساقت راااح تزيد مشاكلها صح
حلو تدري ان السواقين انواع الاجرام ...
طيب فيه موقف صار لواحد قاري له قصه
انه السواق شل بنت وامها من عرس على صلاه الفجر لان زوجها كان مشغول في الدوام .. على انهم راجعين البيت ...
مسك فيهم خط وقف ويطالع جواله وفتح الكبوت على انه عطل في السياره وطول وهو ينتظر ..
والام كانت خايفه هي البنت .. طول وهو ينتظر .. رجع للبيت .. بنفس الطريق الي جاء منه ..
ونزلهم جاء زوج المره من الدوام علمت بالسالفه .. رح يدور للسواق لقى السواق شل اغراضه وهرررب .. بلغه الشرطه عنه مسكوه حقوقو معه قال انا كنت مواعد شباب ياخذون البنت والام ..
يعني امااانه لو معها سياره كان صار له كذااا ...

طيب وين المشكله انها تسوق وهي محتشمه ... من الي بيجي يتحرش فيها ..

......................
بالنسبه للكويت والامارات والبحرين على راسي والله بس هم متعودين
على الشي
هم لويشوفون كامري ناطله على متين وقفت قلوبهم صح
حنا ورعان يقطعون الشارع وهي ناطله على متين عادي
{ معليش تفكيري مهجولجي يفكر بخشة شوي وين }

على راسنـا كلنــا
ايه صح كلامك 100%
بس ترا شوارع التفحيط معروفه .. :d

ياشيخ حنا بالرياض ابكون صريح معك اكثر
ورع مزيون راكب مع ابوه ماسلم تلقاهم يتبعونه بالسياره لين يعرفون بيته { عندك مرجوج يفيدك اكثر}
كلامك صح بس انا اعرف لك اكثر من واحد حلو ...
بس انه رجال وتحطه على يمناك مثلك وشرواك ... من دون قصور في الباقين
يعني الحلو هو الي يخلي نفسه **** وهو الي يخلي نفسه رجال << مشفره تكريم للمنتدى

خلك من ذا نص سيارات اللي يفحطون منين
من ورعان يتصيدولهم بالشوارع ويصفقونهم وياحظ الورع اللي ماياخذونه مع السياره
{ عندك مرجوج يفيدك اكثر } خخخ فضح فيك يامرجوج قبلك ابوشكيم راح غلطه
هاذا عينه بس كيف لونها بنت اللي تسوق صراحتن مدري وشبقولك
نفس ردي على الي قبله
الرجال مخبار مهوب مظاهر
طيب لو انها البنت محتشمه .. حتى بيقول له شي والله كلنـا بنقول ياخاله تبين شي وباحترام
ومنزل عيوونك في الارض من الاحترام ..

بس ماراح يسوقن لو يصير مايصير
الحين نظام البطاقه الشخصيه نص الحريم ماطلعنها معين رياجلهم وهي مافيها شي بنظري كيف السواقه

البطااقه ما منها فاايده اصلانـا تفيد الارمال والمطلاقات والعوانس بس

مابيك تسوي شي ابيك تكتب مثل مرجوج كان هنا هو اللي فهمني خخخخخخخخخخ
بعدين هاذي شفره بلاقافه
^^^^^
هتلر رد هنـــا

[RAKAN]

هتلر ابرجعلك بس لاصحيت من النوم انشاله

وتصبح على خير انت والجميع

[مايحتاج اوصيكـ]

هتلر ابرجعلك بس لاصحيت من النوم انشاله

وتصبح على خير انت والجميع
حياااك الله في اي وقت البيت بيتك :d نووم العوافي والمرقد الدافي
وانت ما اهل الخير .. عني وعن الجميع :d

[وديع القلب]

وشرايكم بتوصياتهم هالعلمانين ؟ لاتنسون تنكتون عليها عشان نضحك خخخخخخ حاقد عليهم

كلا ما منه فاايده
2/ هل انت موافق على سواقة المرأه السعوديه ؟
لا والله مانيب مووافق
مع انه في شررط انها لاتقل عن عمــر 30 يعني من يدوور على عجووز كحيانه

3/ طبعا السؤال هاذا يختلف عن اللي قبله لان هاذا بشكل خاص
هل أنت موافق على سواقة أمك أختك خالتك عمتك جدتك <<< ليش لا؟؟؟؟؟
لا ابد لان الحرمه مالها الا بيتهااااااااااااااااااااااااااا
وافررض مثل انهم صنفت براسهم
الا يتمشوون او يكشتوووووووووووووون
طيب المرأه العجووز بتاخذ اخووتها وبناتهااااااااااااا
وكذا بتكوووووووووووووووون
الصكــــــــــه
عليهم
وكيف بيجبوون التحرررش فيهم
والحين اكبر دليل المفحطين ماهم قادرين يجبونهم
كيف بيجبون الي تحررش في الحّـرّيم
هم شوي شوي ويدخلوون
هذا سواقه الحريم
مثل ما قال اخووي هلتررر
قبل عشررين سنه قالو مافي دراسه للبناات
وصارت الدراسه
وانا اعترض على الامــر هذا
بس اصبر وبتشووووووووووووووووووووووووووف
الحريم يسوقون
واحلى تحيه
ولاهنت

[HEMO]

اما ابورجه خخخخخخخخخ قويه والله
المراسله فريال خانوا هههههههههههههههههه
والله ياخوك ماني راضي ان المرأه تسوق

بس اذا الحكومه طبقت النظااام وافقت

الشكوى لله
انا مسؤل عن اهلي وماعلي من غيري { من يبي يحارش }

[Ibrahim]

/ وشرايكم بتوصياتهم هالعلمانين ؟

يارجال هذولاء حطوا هذي التوصيات عشان يسكتون العالم ,, وانت مصدق ان كل هذا بيتطبق..!! ,,هم عارفين انه اهم الانظمه اللي هم كاتبينها,,مثل الحشمه,, ما احد مطبقه ,,


2/ هل انت موافق على سواقة المرأه السعوديه ؟

لا

3/ طبعا السؤال هاذا يختلف عن اللي قبله لان هاذا بشكل خاص
هل أنت موافق على سواقة أمك أختك خالتك عمتك جدتك <<< ليش لا؟؟؟؟؟
بكل بساطه عندي غيره على محارمي,, وبصراحه الشعب السعودي ماهوب وجه سواقة حريم ,,
لكن بخصوص الارامل واللي ماعندهن رجال انا اقترح السواق ما يضر,, بعدين ابن باز يحرم ,,وتجي انت تحلل====>هذي للعلمانيين مب لك خخخ
يعني تخيل انت تدور مع اخوياك وامك تضرب لك بوري بالاشاره جنبك وش بيكون موقفك؟؟

لاهنت ياراكان وتسلم على موضوعك,,

[مرجوج]

هتلر ابرجعلك بس لاصحيت من النوم انشاله
وتصبح على خير انت والجميع

اي تصبح على خير خخخخ شايفك بالموكب يادب
بس وشرايك بزووم 2008 وخمسه طارات

بعدين انا ماني راضي على سواقة الحريم خخخخ عشان محد يحذف ردي

[{ ABO RGA }]

ولاعه

صدقت يالغالي الشعب ماشاف خير قسم بالله لايخربونها
اذا الورعان ماسلموا كيف البنات شعب متوحش خخخخخخخ

وبالنسبه للوظيفه انت ومرجوج ماضنيت بيوافقون عليكم
مرجوج دليته على شارع بعرقه الجديده سواء مصايب لهم
كيف انت ادلك بتجربعهم بجمسك خخخخخخخخخخخخ
[

من جد اول ما اشوف البنت بحوس بجوالي ابو انتل يعني اني عندي جوال

واختار يا هي ولا بالصبات وبعدين وش يدري الشرطه ذي عمرها 30 ولا 20 صح

سوداء ما ينشاف منها شي وراه تشوف انواع الحوادث واحد يضرب فرامل وراها

هي تضغط فرامل معه وش دخلها مدري وعاد انت من الرياض وزحمتها زحمه

عاد كيف لو ساقوا الحريم واااااااااااااااال راح يصير دبلات

عاد الحرمه خوافه واحد يضرب لها بوري تكبس اوم الفرامل

وليش تقول واي اخاف يصدمني واي مامي :s42:

يارجال خلها على ربك وكل علماني يقعد ببيت امه اطلق له

[متكحل بدم خاينة]

اكبر تحية للأعضاء.. وتقبلوا مروووري

===========
الشباب ماقصروا في الردود بس انا عندي رد بنقله وهو رد الشاعر الكبير ياسر التويجري على عضو مجلس الشورى آل زلفة يوم انه اقترح قيادة المرأة للسيارة,, وصراحه مافيه ابلغ من هالقصيدة للرد على العلمانيين..

(( قصيدة ياسر التويجري))

افتح القرآن يالله او حديث السنه
واعطني اقوى دليل يفند العلماني
كانه مكفر فعطني مقضب المنسنه
والله الوالي لجبع عاتق النصراني
وان غدا عاصي فرحبي للذي وش كنه
عين نبع من صفاها تروي العطشاني
شيخي اللي منته منه ولا أية منه
ضلع قلبي بيض وجهي جدي الروحاني
عزكم يا العوده اللي تكسرون الشنه
وعزنا بالدين حنا شيخنا سلماني
الخوارج حوطونا مثل سور العنه
عذرهم رايين لازم واحد مع ثاني
وآخر الاراء شفته واحتقرته لانه
الدليل اللي يؤكد نزغة الشيطاني
ودهم ان العذارا يركبن الدنه
ويتمشن بالشوارع كان بالامكاني
علموا راع المعارض كان يبغى الجنه
لا يبيع الا الرجال وعلم الحمراني
والله ان البنت والله لو تسوق بفنه
ان تصير بمملكتنا ثورة الشباني
وان تشن الحرب شنه ما وراها شنه
وان يصير الزيت واللي يطلبن مجاني
لا تقيس الدار هاذي مع ربوع فينا
ولا تقارن هالشباب بواحد لبناني
أبك ذولا مجرمين وعالم منجنه
عشقهم لحم الجمال وطبخة الضباني
الهلالي مثل شكلي لو يجن ينخنه
في عطال القير والا قفلة البيباني
في طريق مظلم ما للموبايل رنه
مقطعه ما فيه حوله مرمرة سكاني
وش يسوي يا جماعه ؟!.. الله اعلم انه
يفتح المصحف ويقرا سورة الرحماني!
علم الزلفه يوقف لا نخيب ظنه
فالقصيد اللي بحده خنجر عدناني
ايه شاعر والدلاله كسرة في سنه
لأنعمى ينطح بوجهه نطحة العمياني
الله اكبر يا قرى مكه ويا اهل السنه
عرضكم اصبح نقاش لواحد علماني

============

عسى ماطولت عليكم واعذروني..

تحياتي.......... متكحل بدم خاينة

[RAKAN]

اي تصبح على خير خخخخ شايفك بالموكب يادب
بس وشرايك بزووم 2008 وخمسه طارات
بعدين انا ماني راضي على سواقة الحريم خخخخ عشان محد يحذف ردي
اقول اص ولاكلمه :clap_1: :clap_1:
بس وشرايك بالتطويف الكورد الفضي :s53: :s53:
اما راعي الدوريه خخخخخ رحمته الضعيف
ولاعاد اشوف وجهك هنا انا المشرف :s64: :s64: :s64:

أبوسراج
كلامك واقعي مليون بالميه ويكفي انا ابن باز افتى بهالشي

ولاعه

يعني يقول من الشروط عمرها 30 ماحد راح يطبق وماراح يسوقن
الا الصغيرات صدقني
غير كذا اذا ساقن بيفتح باب ماراح يتسكر صدقني

متكحل بدم

اول شي شرفتنى يالغالي بتواجدك
ومشكور يالغلا على القصيده ويالبيه ياشاعرها احبه :thumb_yello: :thumb_yello:

هيمو الدب يامرحبا يامرحبا
وكلام ابورجج لايهمك هاذا منسم :s54: :s54: :s54:
ومن ناحية اذا الحكومه طبقت النظام
كلكم مسؤل عن رعيته يعني الحكومه ماراح تجبر احد
بس كلمة من تحارش من تقصد فيها:s42: :s42: اقرب سفتي لشفته بتنحاش
مسوي بتحارشهم أنت وخشمك خخخخخخخخخ

[RAKAN]

هلا بوديع القلب
اول شي شرفتنا يالغلا بتواجدك معنا بالموضوع
وزي ماقلت محد راح يطبق شروطهم مستحيل واولها العمر صعبه

بس عشان ماودي اطلع عن موضوعنا الاصلي وهو سواقة الحريم
ابوضحلك نقطه بسيطه عن التفحيط بحكم خبره اخص ياهووووووووو

شف ياطويل العمر الحكومه ماهي عجزانه عنهم والله لوبغتهم جابتهم
يعني اقرب مثال حادث ابوحمدان الله يخارجه بالقوات يوم طير الاوادم
جابوه وجابوا ابورفاعي واللي خاشين معه واسجنوهم
هاذ عشان فيه حادث يطلعونهم لومن تحت الارض
بس اذا الخشه بدون حادث يخلونهم ساعه ساعتين يهجولون
هاذ اذا كانوا بعيد عن الرياض يعني بالفروسيه والثمامه وغيره
وبنفس الوقت يفتكون من مشاكل الشباب وبعدين يرسلوهم دوريه وحده تنفضهم
مثل اليوم الدوريه كسروها المهجولين والله يارحمت العسكري جاي يتفرج خخخخخخخ

وبالنسبه لكلام هتلر عقب كم سنه يوافقون احتمال وارد
واسمحلي على الاطاله
ومشرفنا بتواجدك

[مايحتاج اوصيكـ]

ارجع مره ثــانيه :
بكل بساطه عندي غيره على محارمي,, وبصراحه الشعب السعودي ماهوب وجه سواقة حريم ,,
لكن بخصوص الارامل واللي ماعندهن رجال انا اقترح السواق ما يضر,, بعدين ابن باز يحرم ,,وتجي انت تحلل====>هذي للعلمانيين مب لك خخخ
يعني تخيل انت تدور مع اخوياك وامك تضرب لك بوري بالاشاره جنبك وش بيكون موقفك؟؟

يعني انت ما عندك ناس يقربون لك في دول الخليج .. ؟ او ما عندك اخويـاء في دول الخليج
راضين ان اهلم يسوقون يعني هذولا ماعندهم غيره في نظرك ..؟

طيب وبعدين عن سالفه التحليل والتحريم .. اول ما نزل التعليم للبنــات حررموه المشايخه وبعدهـا سموووح للتعليم بس تكون محتشمه ... والحين السواقه تعيد نفس الفلم ..

طيب انت يعني تستحي من امكـ الي حملتك في بطنهـا 9 شهور ..؟
تستحي من الي تعبت وسهرت على شــانك ..؟
تستحي من الي تحت اقدمها الجنه ..؟
ويطــيل الكلام عن الام ..
..................

وبعدين جاني واحد من الاعضاء في الماسنجر قال لي انت علمــاني :d
ما ريت عليه لانه ادري انه ما يعررف وش معنـا كلمه علمــاني ..
العلماني هو الي يفصل الحياه عن الدين يعني تبي تسكر اسكر تبي تزني ازن بس لا تترك الصلاه وانك تصلي .. يعني يخلي الحياه في جهه والدين في جهه ..

بعدين وين الغلط .. امك ولا اختك تسووق .. يعني حنا ما تعودنـا على كذا صح ... هذا الغلط بس ..؟
اول انشد الشيباان قول لهم انتو متعودين على دراسه البنت قالو لا وعيب والحين عاادي ولا وبعد تكمل دراستها .. برا ...
يعني سواقه الحريم جايه جاايه ..

....
لي رجعه

[مايحتاج اوصيكـ]

وبالنسبه لكلام هتلر عقب كم سنه يوافقون احتمال وارد

حلو هذا الي ابيه .. يعني لامحاله حنـا مامهوب متقبلين الوضع ..
الجيل الي بعدنـا يتقبل الوضووع وعاادي وسهلات ...

ولك مني اجمل تحيه
واشكرك على الموضوع ...

[RAKAN]

اول شي ..
شفت رد المراد ..؟


اول شي نرجع 20 سنه ورى ... او اكثر
هل كان فيه تدريس بنااات اول من عاارض عليه المتعصبين اوول من وخلى بناتهم يدروسن المتعصبين .... وجاء تحرريم ان الحرريم يدرسون وهذا نفس ما قاله المراد مافيه شي يجي دفه وحده


احتمال بسيط لان مافيه مجال للمقارنه بين الدراسه والسواقه
كل وحده لها نظام مختلف
يمكن الدراسه المتعصبين وافقوا عشانها بنات مع بنات عادي والدين
سامح بالشي ذا
اما السواقه ياخي الكريم بيصير فيها اختلاط في مواقف كثيره
وزي ماقلت تراني ماخلفك الراي بهالنقطه بس احتمال بسيط تصير


ما فيه شي مافيه مشااكل ... ليه انت تدور المشااكل .. ليه تدري انه هذي الشغله ان بتجيب لي مشكله .. ليه اروح يعني انا ويكرم المنتدى والي يقراء انا حمـار .. ماعندي عقل
يعني اشووف االنار واعرف ان هذي نار ودخل فيها ... مهوب معقول ..
..........

كرمت يالغالي ويكرم القاري بس المرأه فتنه ياخي الكريم


حلو تدري ان السواقين انواع الاجرام ...
طيب فيه موقف صار لواحد قاري له قصه
انه السواق شل بنت وامها من عرس على صلاه الفجر لان زوجها كان مشغول في الدوام .. على انهم راجعين البيت ...
مسك فيهم خط وقف ويطالع جواله وفتح الكبوت على انه عطل في السياره وطول وهو ينتظر ..
والام كانت خايفه هي البنت .. طول وهو ينتظر .. رجع للبيت .. بنفس الطريق الي جاء منه ..
ونزلهم جاء زوج المره من الدوام علمت بالسالفه .. رح يدور للسواق لقى السواق شل اغراضه وهرررب .. بلغه الشرطه عنه مسكوه حقوقو معه قال انا كنت مواعد شباب ياخذون البنت والام ..
يعني امااانه لو معها سياره كان صار له كذااا ...

طيب وين المشكله انها تسوق وهي محتشمه ... من الي بيجي يتحرش فيها ..

......................

سبق قريت القصه هاذي بس مو معناها ان كل السواقين كذا
فيهم الردي وفيهم الطيب اكيد منهم فايده كبيره وانشد اي واحد عنده سواق


على راسنـا كلنــا
ايه صح كلامك 100%
بس ترا شوارع التفحيط معروفه .. :d

انت اللي على رأسي والله
بس مافهمت كلمة الشوارع او مابغى افهم:s49: :s49:


كلامك صح بس انا اعرف لك اكثر من واحد حلو ...
بس انه رجال وتحطه على يمناك مثلك وشرواك ... من دون قصور في الباقين
يعني الحلو هو الي يخلي نفسه **** وهو الي يخلي نفسه رجال << مشفره تكريم للمنتدى

شرواك الطيب يالغالي وخله مشفره احسن
لان موضوعنا عن سواقه الحريم وانا اعتذر اذا طلعت عنه شوي بس
كنت ودي اوضح بعض الامور


نفس ردي على الي قبله
الرجال مخبار مهوب مظاهر
طيب لو انها البنت محتشمه .. حتى بيقول له شي والله كلنـا بنقول ياخاله تبين شي وباحترام
ومنزل عيوونك في الارض من الاحترام ..

معك في كلامك اذا البنت محتشمه
يمكن عشان اخلاقي واخلاقك راح نستحي منها ونحترمها صح وفيه ناس
مثلنا كثير
بس فيه ناس ماعندها اخلاق يقدحون عادي اهم شي شافوا عباه قدحوا
واصابعك ماهي سوا <<<


البطااقه ما منها فاايده اصلانـا تفيد الارمال والمطلاقات والعوانس بس


وجهة نظر ونحترمها
مع انها بنظري انفع بكثير من السواقه لانها تحفظ للمرأه حقوقها الماديه

^^^^^
هتلر رد هنـــا

ردي داخل ردك شف ردي مع ردك لاتدقق واجد:s49: :s49:

[RAKAN]

حبيت اشكر جميع من شاركني الموضوع

سواء كان بمن شاركوا او قرأوه

ويشهد الله اني فرحت كثير لان الموضوع

نزلته البارح وماشاء الله اليوم وصلنا للصفحه الرابعه

وهاذ ان دل يدل على حب المناقشه من الجميع مع اختلاف الاراء

وطبعا مو معنى كلامي هاذا ان الموضوع خلاص لا اكيد

الموضوع مفتوح لسماع ارئكم في ماقريتوا

وبالنسبه لاخوي هتلر اتمنى اكون وصلت معك الى ما طمحنا اليه بالموضوع

وتراني لين الحين ماقتنعت بالسواقه وضدها !!!!!!!

[مايحتاج اوصيكـ]

بس مافهمت كلمة الشوارع او مابغى افهم
امااااكن التفحيط معررفه ... صح ولا لا ..؟

بعدين نهاايه الكلام
وكل شي ...
سوااقه الحريم جاايه جااايه .. وصااير صاااير الله لايعووق بشررر
في بدايتها محد متقبل الفكره نفس الحين ...
بس الجيل الجاااي ... بتكووون في نظره عاااديه ...

اما من نااحيه الشبااب والحررش .. لو كانت ماكانت محتشمه ما احد يقدر يجيهـا

طيب توني انا والمحتار نتكلم في الموضوع نفسه ..
طيب انت وانا والي في المنتدى تطلون ديرتكم (الضعيه) :d
مهوب تلاقي البنات على الشاص ولا وايت .. ؟ وتعبي الوايت .. وتسرح الغنيم .. ولا احد يقدر يلبط ..
بعين امي وامك وام كل واحد فيه خير تسوووى له 10000 رجــال صح ولا لا
وبعدين في اكثر من حرررمه هي الي تطلع الرجــال وتخليه رجــال


ولك مني اجمل تحيه

[مفارق احبابه]

انا الصراحه مع هتلر

[يهون عليك]

انا مؤيده طبعا لان كل الاسباب مااقنعتني اني اتخلى عن حقي في السواقه

اذا على المعاكسات فما في احد سلم منها سوا بسوق او اي مكان والمشكله هنا بالشباب لازم يتحطلهم حد

واذا على الحوادث لاسمح الله فما في احد حيموت ناقص عمر

بس انتو ماخدين الموضوع بعصبيه وتبغو تفرضو رايكم لا يعني لا وهذا متعودين نسمعو من الرجال السعوديين

والشي التاني اذا في بنت محافظه راح تظل طول عمرها كذا لان هذا نتاج تربيتها اما اذا بنت عكس كذا
ماراح تستنى انها تسوق علشان تدشر

وبعدين ليه تقولو فتنه واحنا اكثر نساء العالم احتشام

واذا هذا الموضع اترفض بوقتنا الحالي فاتكدو انو ماراح يستمر لانو راح تجي اجيال متفتحه وفاهمه اكثر مننا

فعلى ايش التاخير في اتاخذ هذا القرار

[كش ملك]

الله يعطيك العاافيه يارااكان
وحبيت ابين بس
اني ارفض وبقووه جميع الاسئله
×××××××××
وعندي قرصه على اذن هتلر
وبقوووله بوحميد مهما كان فينا من يحتاج ان يسووق هذا مو معناه نسمح
حبيب قلبي اصاابع اليد مهي سوا والثقة مووجوده لكن الشيطان عمره ماجاب خير لحد
صدقني راح تصير حوووسه مالها اول ولا تااالي اذا المروور مهو قاادر يمسك اصحاب الخشااات والتفحيط راح تمسك من يتحرش في فلانه وعلانه وهي تسووق
وخلنا صريحين وعلى بلاااطه انا وانت بين اكثر الشعوووب قجريه وهمجيه وين تبي الحريم يسوقن
هذولا العلمانيين يبون بناتهم وحريمهم يسوقون من الدياااثه الزااايده وش تترجا منهم
×××××××
وعلى نقطة الحريم ترااهم قلبووهم ضعيفه رووح شووف البحرين قريبه
والله صار قدامي حادث في البحرين بسيط مره حتى الصدام ماجاه الا شمخ بسيط
البنت سوتها وانتو بالكراامه على نفسها وانتضرو ابوها ساعتين على ماجا ياخذها
والله والله تحمد ربي اني ساكن بالسعوديه ومعندنا حريم يسوقن
×××××××
مابي اطول عليكم
لكن
لاتنظر الى المووضوع من نااحيه الايجابيات بس
انظر سلبياته اول
ولكم من التحيه والتقدير
****************

[يهون عليك]

الله يعطيك العاافيه يارااكان
وحبيت ابين بس
اني ارفض وبقووه جميع الاسئله
×××××××××
وعندي قرصه على اذن هتلر
وبقوووله بوحميد مهما كان فينا من يحتاج ان يسووق هذا مو معناه نسمح
حبيب قلبي اصاابع اليد مهي سوا والثقة مووجوده لكن الشيطان عمره ماجاب خير لحد
صدقني راح تصير حوووسه مالها اول ولا تااالي اذا المروور مهو قاادر يمسك اصحاب الخشااات والتفحيط راح تمسك من يتحرش في فلانه وعلانه وهي تسووق
وخلنا صريحين وعلى بلاااطه انا وانت بين اكثر الشعوووب قجريه وهمجيه وين تبي الحريم يسوقن
هذولا العلمانيين يبون بناتهم وحريمهم يسوقون من الدياااثه الزااايده وش تترجا منهم
×××××××
وعلى نقطة الحريم ترااهم قلبووهم ضعيفه رووح شووف البحرين قريبه
والله صار قدامي حادث في البحرين بسيط مره حتى الصدام ماجاه الا شمخ بسيط
البنت سوتها وانتو بالكراامه على نفسها وانتضرو ابوها ساعتين على ماجا ياخذها
والله والله تحمد ربي اني ساكن بالسعوديه ومعندنا حريم يسوقن
×××××××
مابي اطول عليكم
لكن
لاتنظر الى المووضوع من نااحيه الايجابيات بس
انظر سلبياته اول
ولكم من التحيه والتقدير


ياسلام عليك

[طال البعد ياناسي]

انا عندي عادي يمكن لاني عايش فالبحرين والبحرين مسموح ان الحريم ياخذون رخصة وتعودت على هالشي ..



اهم شي تكون الحرمه اللي فالسيارة محتشمة مهب مطلعه جسمها كله وتبي الناس تغض النضر وماتتحرش ..



هذا رايي ياشباب ..

[عمر العتيبي]

ما اقول الا الله يلعن ابو اللي بيخرب في ديارنا

ويزيد الفتن والفضايح والبلاوي

وبعدين من صدقك انت محد متحرش فالحريم لا ساقن ايه هين

والله كلن بيتحررررش واللي بيخطف واللي بيحدها لين تدعم وقروشه لا راسك

وماظن في حرمه بتروح تشتكي تقول تحرش فيني ومدري كيف الا اذا تبي الفضيحه لنفسها

يعني اذا صار هالشي عز الله قولو على السعوديه سلام

تحياتي ولا هنت يا راكان موضوع حساس

[*&خـيـال الـقـمـر&*]

الموضوع لكم يالشباب ,, بس اكيد ماتمانعون بتسلل البنات ههههه
لكن برأيي ؟؟ والله ماأيد هالشي لان البنات ماسلمو ببيوتهم كيف بالشارع

بعدين كل مجتمع وله رأي عندك جده اهلها موافقين بدون تردد على سواقة المرأه
بس تعال اطرح السؤال في الجنوب ؟؟ يمكن يسوون عليك هجوم قبيلي متشدد وتفقد حياتك بسبب سؤال ههههه
هذا الموضوع اتوقع انا ماراح ننتهي فيه إلين تتفق السعوديه كلهاا ,,,,

بس نسيت نقطه يااخ راكان ؟
ماذكرتو رأي الملك عبدالله الله يطول بعمره في الموضوع وصار وذكره ,,,

يعطيك العافيه ,,,

[فـــدرالـــي الدكـــه...]

ابشركم لا سواه نص الشعب مسجونين

اي نصهم الاكلهم

[{ ABO RGA }]

انا اولهم :s1:

[الكلاسيكي]

الحين الحريم ماساقوا وشوفوا زحمة الشوارع كيف لاساقوا الحريم اجل والله اللي بنروح فيها

[ابوقذله]

تعقـــب الحريم يسوقون
تهــبى
الحرمـه ناقصه عقل وديـــن
كيف لا ساقت السيارره
تصير مسترجــله
ويعطيك العافيـه اخوي راكان