السالم من السجن ...إلى السجنــــ؟

[صـ ع ـب المـ ن ـال]

[Link nur für registrierte Benutzer sichtbar] ([Link nur für registrierte Benutzer sichtbar])



السلام عليكم ورحمة الله وبركاته


عز الله تدوروون الفضايح والحش في الناس

ومن هذا المنبر ودي ابارك لولد جيرانا عشانه شراء كوره جديده وخلاني إلعب معه

واشكر طويل العمر <<<< محمد بن راشد >>>ولد عم جدة خالة ابوي

ذكروني وش الي بادي فيه اممممممممممممممم لحظه خلوني اشوف العنوان
؛
؛
؛
ايه قصتي يوم دخلة السجن

وهي احدى بطولة شلة((لاتحدى وانت ماتسوى التحدي))

[صـ ع ـب المـ ن ـال]


ذآت صباح مخملي ونرجسي بعض الشي والشمس تترآقص طربا وفرحا بأطلاق سراح السجين عبود السالم بسبب قضيه ماراح اقول لكم القضيه تدرون ليش ..؟ السبب أذكرو محاسن موتاكم (( مايعرف يصرّف ))
كنت واقف على راس الضابط وهو يحرر الاوراق وانا كلي سرور وافكر بالحريه وابي اشوف حارتنا من جديد هل مازالت على نفس النمط عيال متكين بزاويه وخذ لك حش بالي رايح والي جاي ومايعجبهم احد اللي يشوفهم يقول ذولا شعب الله المختار .. وهل هي كما كانت تعم بالدشره والسربته ومشهوره بنطاق واسع بأحياء الرياض تخيلو امام المسجد حق الحاره مايخطب بالمسلمين يوم الجمعه الا وهو ماكل حبوب منشطات والمؤذن هو الي يجيبها له (( هذا الامام وش بقى للزكرت )) ..!
كنت افكر بأعز اصدقائي " حبك طعجني " الي اربع وعشرين ساعه عيونه حمر الي يشوفه يقول ترضعه امه يومه صغير كلونياا هل لأزال صديقي يذكر موقفي البطولي معه ..؟ وهل هو عقل او للحين داشر بس ماتوقع مثل المنطعج يعقل لانه وهو ببطن امه كان مشتبه فيه بقضيه تزوير ويوم طلع على الدنيا لقو معه كيلو حشيش .. ذاك لو يجي وفد من الكونقرس يترأسه بوش للحجاز عشان يأدون فريضة الحج ماعقل المنطعج ولا يفكر .. يمديني اتخيّل ان ابليس يطول لحيته بس مستحيل اتخيل المنطعج مصلي الفجر مع جماعة المسجد ..!
وصرفت نضري بالتفكير عن صديق الطفوله والمراهقه المنطعج الى التفكير بشي ثاني فأطلقت خيالي على جارنا هل هو حي ..؟ أذكر كل ماشافني اشغل السياره واحميها يجي يعطيني اشرطه دينيه وانا اعطيه من الرخيص والكلام الحلو واني بصير داعيه بشمال افريقيا واخر شي اسجل عليها اغاني فهد بن سعيد ..!
وهل ابوي كل صبحيه يحمل انواع الخبز اليابس للغنم وهل بيتنا يعم بالضجيج والفوضى مثل اول وهل لأزال يوم الخميس له رنه وشنه إذا تجمعو اخواني واخواتي وعيالهم من كثر الورعنه تفتح الثلأجه تلاقي بزر يلعب فوق الخيار ومن كثرهم بالبيت تمشي توطيهم وماتسمع الا أي أح ماتشوفني ياثور ..!
وهل وهل وهل فاروق الهندي حق البقآله لأيزال يذكر انه يطلبني ثلاثه ريآل؟
اذكر انه دايم مفشلني بعد كل صلاة عصر يلاحقني بالحاره وين " بلوس " يقصد الله يحييه للوطن فلوس .. أبن سبع وسبعين كلب مايصلي الا العصر مدري هي عنده واجبه وباقي الصلوات سنه مؤكده ..؟
انطلق مركب خيالي يجول ببحر الحريه وماوقف المركب الا على صوت الضابط بدى يسألني متى جيت وكم محكوميتي ومنهو الشيخ الي حكم علي مع العلم ان كل شي مدون عنده بس تعرفون ضباط سعوديين يعني وسع صدرك .. وانطلقت بعد الاجوبه مع الضابط للعنبر وما اخذت شي لي سوى ملأبس والباقي عطيته الي معي بالسجن عشان يذكروني ومنها اوهقهم بريحتها اللي لو يشمها مقتدى الصدر صار من اهل السنه والجماعه .. المهم وودعتهم وداع حار الي يقولي بتطلع آجل يآحظك الله يلعن امك والثاني يقول الله يوفقك يابن الكلب وربي فرحت لك (( الله من زين الاسلوب )) ..!
وفيما انا اودعهم ناداني العسكري وحان وقت الرحيل وطلعت مع الضابط وركبت سياره الحكومه وانفتحت البوابه معلنه بأيام حريه جديده وتوجهنا منطلقين الى قسم شرطه حي السويدي كان شعور لأيوصف كان شعوري شعور اي مواطن سعودي يملك جوال المسكت على وقته وتحركت السياره بعد فتح البوابه وكنت بالطريق اسولف على العسكري واكذب عليه وهو ماقصر معطيني جوي داري اني فرحان وخذ لك من هالرخيص كنت اكذب عليه واكذب ومن قو الكذب قلت له اني قد تأهلت لكاس العالم .. يوم التفت علي بوجه مثل هالوجيه الي يحطونها على الصنآديق الخيريه لتجميع التبرعات وقالي " هبلك مصيبه ياخي مالك ارحمني ياخي كافي نصب " وبيني وبينكم تفشلت ووجهي قمط طلع كنه وجه نبيل شعيل وهو بحالة سكر .. وفرّيت وجهي وقمت اناضر الشوارع والبيوت وانا كلي شوق ولهفه اوصل للسويدي وفعلأ وصلت وبدينا ندخل الحواري وانا ماغير كني رادار اتلفت واشوف البيوت الي اعرفها هذا بيت فلان وسيارته عند الباب وهذا بيت فلان معروض للبيع وشكل جدرانه تبكي الذكريات الحلوه .. وذيك المناره البعيده حقت مسجد حارتنا ويالها من حاره ماتقول الا حاره من بانكوك منحاشه جايه للرياض وكل شوي نقرب نقرب من القسم حتى بدت ثناياه قصدي جدرانه واشوف السيارات واقز سياره مهيب غريبه الاوصارت سياره اخوي ووقف العسكري عند باب القسم ونزلوني وانا مكلبش مدري ليه يخافون انحاش .. وين بنحاش ..؟ برجع للسجن مثلاً ..؟ ودوني شهار اجل ..!
ونزلت وغمضت عيوني واخذت اوكسجين الحررريه كامل ميه بالميه ومن قو الاوكسجين شميت ريحه طبخ هندي حارس مسجد حق الحاره واندمجت مع الأوكسجين وريحه طبخ الهندي الي كله فلفل وبطاطس وحاولت اتمغط يوم سمعت صوت مدوي " تكتكتك " .. (( صوت الكلبشه )) ..!



دربيت راسي وانا يالله امشي من الكلبشه ودخلت عند مكتب الضابط وكان مهوب فيه .. والمح واحد طاق النضاره الشمسيه كنت احسبه طاهر الحساوي ايام شبابه يوم التفت علي واذا به ابي الحنوون .. وسلمت عليه وحبيت راسه وخشمه وكان ماقدر يسيطر على مشاعره وخنقته العبره وحاولت اواسيه واني بعقل واصير سيكورتي عند باب مسجد حارتنا وسأغدو مواطن صالح بالمجتمع .. يوم هز برأسه مثل الي يقول " ماودك تاكل تبن بس وانا ابوك " وقالي الله المستعان ياما وياما قلت انك بتعقل وتغدي اكوس واحد بالعالمين واخر شي طلعت تتعاطى وتروج متخدرات .. على طول انا حطيت يدي على فمه وقلت له مالك داعي فضحتني قدام الي يقرون القصه ماعلمتهم وش قضيتي ..!
حاول ابوي يتدراك مايمكن ادراكه بس الشق اكبر من الرقعه وسألته عن اخوي صار اخوي رايح مع عسكري للمحكمه المستعجله يصدقون اوراقي ونخلص من مشكلتنا ودخل الضابط كان جديد ما اعرفه ولأيعرفني وطلب من ابوي اذا جاء اخوي يروح معه ويجون بالليل عشان بقت اوراق للعمده ووكم شغله وانا ضاق صدري وغدى وجهي كأنه شغاله درت ان زوجها تزوج عليها ..!
مالكم بالطويله خلصنا كل شي ودقت ساعه الفرج والحريه والعمده الله لايهينه الي يمشي يسحب بشته وماعنده لا شغل ولا مشغله تكرم وختم لنا والقسم حضرو اخوي وابوي وقالو قضبوه الباب وتسهلو وطلعت معهم ورحت للحاره وانا متشقق من الوناسه ودخلنا الحاره واشوف الورعان يلعبون بالشارع لازالو على قشارتهم تمر يرجمونك وكل شي ماتغير الا شي واحد الا وهو الهدوء مافيه مثل اول دوران شباب وسياره رايحه وجايه وتكيات وتفحيط وصخب ..!
وصلنا للبيت وكان حشد هائل من عيال اخواني واخواتي عند الباب الصدق يوم شفتهم فكرت اني اشارك بشاعر المليون السنه الجايه اكيد بضمن البيرق من كثرهم وكثر تصويتهم .. وقبل لا انزل من السياره قالي اخوي : ترى لاعبين عليهم انك تدرس طب بأمريكا فقطاعه الشايب قائلا امحق طب الا صياعه ووقتها جاني شعور اني مضطهد وبديت اكره نفسي وتمنيت اني لم اولد بعد ونزلت والورعان ازعاج السالم جاء السالم جاء .. ودخلت البيت وما امداني ادخل الا وخمه وحضن خطافي من امي الغاليه وهي تبكي واخواتي واقفات طابور ورى امي طالع كني بنك والشعب يساهم .. وماسكين عندي سرى وانواع السلام والترحيب الي يتخلله فرحه وبهجه ودموع فرح على حزن وضايع حياتي بزهره شبابي وجلست معهم سوالف وقهوه وجلسه عائليه .. وكان فيه ولد اخوي عمره سبع سنوات سألني شلون انت بأمريكا وماتتصل علينا ولا شي ولا ترسل لنا رسايل مثل الشغالات ..؟ ولما سألني هالسؤال الكل سكت واتكل على الثاني انه يعالج ويتدارك الموقف وللاسف صرت الضحيه مدري وش بقوله الله يلعنه احرجني وجهي تسفط طلع كنه كوع الفنان رابح صقر .. واذا بأمي تتدخل تدخل عسكري منقذه الوضع الذي تكهرب وقالت له انت وراك جالس جنب القهوه وهي حاره جعلك الجني ان كانك مافيك خير ولاصلاح قم رح حل الواجب .. وولد اخوي قال وشهو واجبه وحنا بالعطله الصيفيه يايمه ..؟ قالت امي رح شف شهادتك يمكن انك ساقط (( أمي في دور هجمه مرتده وفقدت السيطره )) ..!
ولد اخوي مسكين مايدري ان امي تبي تغطي بأي وسيله على سؤاله الي بغى يجيب العيد ويفتح عيون مغمضه رجع ولد اخوي الخبل يناقر امي وقالها الحين معد بقى شي على الدراسه وانتي تقولين ساقط ..؟ امي ارتفع سكرها ومعد تدري وش تقول هي سمعت طاري المدرسه ولأمآسمعت نشبت له طيب رح رتب دروسك وارقد لاجو اهلك يقومونك تحسر بهم الله ياخذك و و
الخ ..! امي صدق غطت على سؤآله بس مسكت خط وولد اخوي ارتاع ونحاش ومارده الا خزان السطح .. والجو العائلي ماش التمس وخيم علينا الصمت شوي وانا قمت قلت بدخن عند الباب وطلعت عند الباب اطير لي زقاره وكل شوي موقفه سياره هذا فلان ومعه علان وسوالف وكل شوي يتجمعون البشريه لما انسد شارعنا وانا وسوست من السجن خفت ان الحكومه تراقبني عبر الاقمار الصناعيه وتضن التجمع هذأ ترويج مخدرات .. وطلبت منهم انهم يتفرقعون ومشو وبعد الازعاج الي صار عند البيت والسيارات الي موقفه معد اسمع ولأصوت وعم الهدوء على الحاره وخيم السكون عليها وجلست عند الباب اناضر البيت الي قدامنا وادخن واذا بأذني اليمين الي كنها قمر صناعي للتجسس تسمع بشير حمد شنان يرنع داخل الغماره والتفت لمصدر الصوت واذا بسياره على بعد كيلو يالله تمشي كنها عجوز محوله من الدرج والنور واحد شغال ومرتفع والثاني نازل وطافي وصوت سيم يضرب بالصدام وتقرب السياره من شارع بيتنا رويداً رويداً واذا بي ارى راس كنه باصات البطحاء من كبر راسه كنت احسب بالغماره اثنين .. بالعرربي الفصيح راسه كأنه فتحة مكيف من كبره ..!
السياره يوم قربت عندي اخذت تهدي شوي والمسجل طفى مادريت الا رجال نازل من السياره وعيونه كالخه وطايره كنه شايب يتابع الاسهم والمؤشر نازل ويقول بصوت كنه دباب باكستانيه ادعس يا السالم .. (( هذا خويي المنطعج )) ..!



انا ماقدر اوصف شعوري لما شفت اعز اصدقائي منذو الطفوله حتى الكبر .. اخذته بالاحضان وما امداني اسئل هالداشر عن احواله الا وهو يسحبني مشينا ياالسالم الحاره كلها ورعان معهم جوالات لو ابيع سيارتي على نضاراتي الشمسيه ماشريت بطاريته .. يحول ياالمنطعج عطني فرصه اشم ريحه الحريه .. وابوطعج ماعطاني لأ فرصه ولأصندوق جماعه ماغير اركب اركب وانا ركبت معه يوم ركبت وأصك الباب بقوه مادريت الا الكبوت انفتح وانا ارتفع ضغطي منه وقلت الله يلعن شكلك هالسياره الحين شاريها من ابو الهول اقساط وتبي تسرق عليها ..؟ ضحك علي وقال صدق انها يالله تمشي ولو تنزل انت تركض وانا اسوق تسبقني بالراحه بس احلى مافي هالسياره العجيبه ان بوسط المكينه جنيه اذا شافت سفتي حق الحكومه تطلع وابن ام سياره الوطواط تجيبها ..!
ضحكت عليه .. وناضرني نضره مثل الي يقول اوريك وبأثبت لك .. انا نسيت نضرته مع السوالف وكنت اسولف وياه عن اوضاعه وهو يسولف فجأه المنطعج سكت وش السالفه ..؟ اثره شاف سياره حكومه ويشغل المنطعج خوينا يرد نمر بالسياره وهي تفتفت يبي يشد عزم ويجيب مافي مكينة السياره من سرعه .. وش عنده المنطعج ..؟ والله المنطعج ياعرب ناوي يشطف الحكومه .. انا انهبلت وقلت له : المنطعج اذكر الله المنطعج مصدق ان سيارتك لو تشارك بفورملآ ون ان تاخذ الاول .. وخويي المنطعج مهوب يمي ماغير شغال يرد نمر ويضبط المسجل على اغنيه تساعد على الاكشن وناصي الحكومه الي تمشي بشويش وسيارة هالملعون ماغير ترجنا وتفتف وانا من هذا المنبر اقول اي حرمه حامل تبي تسوي اجهاض تركب سيارة المنطعج ..!
المهم ان السياره والله اسرعت شوي وقربت من عند سياره الحكومه ويشطفها الخبل ذيك الشطفه يوم صكت المرايه الي عندي مرايه الحكومه والاكشن ابتدى وابتدى المشوار والحكومه شغلت السفتي وخذ طردي ورانا .. بس ماش السفتي اشتغل والسياره للحين تفتف .. قلت له وين الجنيه اللي تقول عنها سيارة الحكومه تصدمنا من ورى ولاشفنا الجنيه ..؟ قالي السالم انا قلت لك من البدايه انك لو تنزل تركض ان تسبقني .. قلت وش تقصد ..؟ قال مابدهاش انزل اركض سيارتي
ماعندك احد ..!
شوي المنطعج نزل يطامر ويركض بالبراحه كنه جعري يشكي خيانه سلقه وأصيب بمرض آلتوحد .. وانا من الروعه وخوفي ارجع للسجن والقسم نزلت واركض ركض مايجيبني هادي صوعان .. ووصلت البيت وجلست عند الباب التقط انفااسي الا واشوف واحد يسحب رجليه جاي لمي صار خويي المنطعج وابتسامته شاقه وجهه وجلس معي عند الباب وعلمني ان السياره الي معه سارقها من شقق باكستانيه اخر الحاره لو تدخل ملعقه بالسلف اشتغلت السياره وعلى هالحال شبه اسبوعيا ماغير يسرق سيارات هالبكستانيه ولأيوقفها الا اذا قالت المكينه اتوب ..!
وقمنا نسولف ونسولف لما حسيت ان النوم سيطر على انزيمات خلايا المخ ولاعاد اقدر استقبل ولا ارسل وصرفت المنطعج ودخلت البيت وجلست مع اهلي شوي .. وانا كنت احس اني منضول بالحريه ماش ماجازلي الوضع ابي ارجع للسجن كنت طفشان ومتضايق والي زاد ضيقتي يوم دريت ان اهلي باعو سيارتي وانا ادرس بأمريكا (( كذب كذبه وصدقها ))
عدا اول يوم لي بالحريه وتلاه اليوم الاخر وهكذا استمرت حياتي طفش وطفره وحالتي صعبه وكل مابغيت فلوس انواع السين والجيم وش تبي فيها وش تبي تشتري حاول تجيب فاتوره انك شاري الشي هذا ..انا بيني وبينكم حسيت اني ورع فقررت الاعتماد على نفسي بأي شكل من الاشكال لو اسرق بنك الراجحي .. واتصلت على المنطعج وسألته وينه فيه وعلمته اني ابيه ضروري وفعلا حضر بأسرع وقت وسألني وش فيك ياالسالم وش صاير ..؟ وانا شرحت له كل شي عن الطفره والطفش وحالتنا المترديه والنطيحه وكل يوم ماكلين شاورما بدون مخلل ومتقاطين فيها .. نبي ناكل من كودو ولأهارديز .. وذكرته بسالفه قديمه اللي هي شرينا من كودو وجبه وتهاوشنا على من يااخذ الكيس ح كودو الكل يقول انا عشان يحطها عند باب بيتهم وكل من مر يقول الله شارين من كودو متطووورين ..!
وانا اتكلم واتكلم واشرح حالتي والمنطعج متحمس معي بالسالفه لأن حالته من حالتي هو اطفر مني وسألني إنت صامل ومعزّم ..؟ قلت له : وش صامل وش ناوي عليه يآابوطعج ..؟ قالي شف ياالسالم فيه بيت بالحاره وانت تعرف راعي البيت زين يحط كل ماعنده من حشيش وفلوس بالملحق وانا مراقبه من فتره كل ربوع يروح لأستراحه بالفحص الدوري وحرمته يحطها عند اهلها .. سألته منهو وانا متحمس ..؟ وقالي فلأن الفلآني ..!
انا انصدمت وقلت له تستهبل المنطعج مصخن انت تحس بشي بكريات الدم الحمراء تبي اوديك للمستشفى..؟ هذاك عاقل ومعروف عنه بالخير وش حشيشه انت .. لا لا اكيد انك تمزح .. قام المنطعج خويي يحلف لي ويحاول يقنعني وانا ماصدقت لأن ذاك الرجال عاقل .. والمنطعج طلب مني اصمل معه وحلف لي انه يفصخ واسوي له مساج بالملحق اذا هو يكذب او اذا مجاب الحشيش الي قالي عنه .. وانا الصراحه بعد حلفه وكلأمه قمت احك راسي لما طلع نفط .. وطولت وانا افكر واخر شي صملت لأني مراح اخسر شي والمثل يقول اما غناة الذيب ولأفقره وسكت شوي وسألته اليوم وشو ..؟ المنطعج ملكع فاهمني قال بكره الاربعاء خلك على صملتك وانا من زمان ناويه وخيره اني ماسويت شي الا يوم طلعت وكنت انا الي بفتح الموضوع معك ومثل ماقلت لك اذا ماجبت شي انا على وعدي .. وحنا جالسين قمنا نخطط شلون تتم العمليه والسرقه ونبي ننجز المهمه بأقل وقت وتكتكنا تكتيك عند ربكم خبره 1-1-9 واحد حارس واحد وسط والباقي هجووم ..!

جاء الاربعاء ودقت الساعه على الوقت المتواعدين عليه ومثل العاده السياره سيارة باكستاني ووقفنا عند بيت الرجال وطلبت من المنطعج يجي بأسرع وقت ونزل المنطعج وانا بالسياره مسوي اناضر الاشرطه وان البيت بيتنا وقاعد احمي السياره والله يلعن ابوها من سياره باكستاني انواع الحديد والمفكات وافتش بالدرج والقى انواع الاوراق وارقام جوألأت والقى واحد اسمه شهيراز مهرو ورقم جواله صفر خمسااات (( شكله بياع هيروين بالبطحاء ))
وانا افتش وافتش ونفضت كل شي .. وابوطعج تأخر وجلست انتضر على اعصابي وكل خمس دقايق تمر سياره وانا ماغير العن واسب المنطعج تأخر علي .. شوي مادريت الا الباب انفتح وانصك بقوه حتى من السرعه مادريت منهو الي ركب .. ميزت بالصوت صوت المنطعج حبيبي يقول دز دز اسرع اسرع .. انا حركت على طول واناضر المنطعج وقلت له وش فيك تأخرت هذا الي يقولي بالملحق ومدري ويش والموضوع بيخلص بثواني اقول استعد بس بالملحق بسوي لك مساج بتنقله قناة سي إن إن مباشر ..!
ضحك المنطعج ضحكه المنتصر وضرب على الشنطه بيده وهو يغمز بعينه ويقول جبناها من تحت الخزان مسوي مزبنها لكن المحروم يطلعها من تحت الارض .. شميت الفلوس والحشيش وقمت اتبع حاسه الشم لما وصلت عند الخزان .. بس ماعليه الشنطه وجبناها .. باقي السياره وين ننطلها فيه ..؟ قلت له جربت اشغل المكيف على الحار عشان تروح البصمات وماشتغل يعني مالك الا انك تذبها نفس محلها عشان مايشك ويبلغ ويسوون بصمات ونروح فيها .. انا بنزل للبيت معي الشنطه وانت ذبها محلها واقرب تكسي وتعال ..!
المنطعج أيد الفكره وانا نزلت للبيت ومعي الشنطه وهو راح ودخلت البيت للملحق سيده وحط الشنطه واتربع وافرك بيدي شلون افتحها ايه مالك ياالسالم الا الفاس .. وانقز اجيب فاس واخرع ام ام الشنطه يوم انفتحت الشنطه ولا ما انفتحت ماشوف الا عقال الملك عبدالعزيز كلها امهات خمس وحشيش يعادل ثلاثين الف ريال يااااحلاوه (( بدا اللعب ))
وينك ياالمنطعج تعال وينك ياصديقي الصدوق وداعا لأيام مجاعه افريقيا والفقر واهلاً وسهلاً بأياام الرخا والعز .. وانا انثر الفلوس وارشها على نفسي طالع كني رقاصه بالملحق .. شوي الا الجدار حسيت انه بينهد طق طق طق .. انا من الروعه خميت الشنطه وانا اقول الحكومه جت الحكومه جت وازبن الشنطه تحت فراشي واطلع وافتح الباب بشويش مادريت الا المنطعج شاق من عندي ناصي الملحق انا حقدت لاقال شف الدرب ولاشي .. ولابعد ازودكم من الشعر خيمه قام يصايح بنص الملحق الشنطه وينها ياالسالم لا يكون بتغدر فيني ترى تندم وربي تندم .. انا حامت تسبدي منه وخفت لأيسمعونه اهلي دفيته لما نشب بالجدار وصكيت باب الملحق وطلعت الشنطه .. هو طلعت عيونه وقام يسعبل من الفرحه ويخم من امهات خمس .. خلاص ياالسالم يعني بطلع جوال واكلم بنات .. من اليوم وطالع بتطور واكل على طاوله مثل المسلسلات يعني بعبي بنزين بفلوسي مافيه ارهن بطاقه ولا شي .. راحت ايام القحط والجفاااف!!ونااااسه يالملك عبودي (( كثير منا يخونه التعبير عند الفلوس ))
انا قدرت شعوره ولا الومه على تصرفاته .. بس ماش ماقدرت استحمل لقطت اقرب شي عندي الي هو ريموت والفعه بخشمه الي كنه علامه لكزس ابيه يركد ونعد الفلوس .. والمنطعج غريبه ماسوى شي مع اني ضربته يمكن عشانه شاف الفلوس وطلع كيلو اخلاق .. وقمنا نعد الفلوس ومن كثرها كل شوي نغلط وصلنا لأرقام ما اخذناها بالرياضيات حسبنا الفلوس طلعت 54 الف وجاني شعور وانا اشوف الفلوس قدامي ودي البس بشت احس اني هامور حشيش والمنطعج امبطح على الارض ومدخل يده بخشمه يطير بط ويفكر وش يسوي وش يشتري مسكين محروم عنده انواع الطلبات .. اتفقنا انا وياه ان الحشيش نحششه ولانبيعه عشان لو جاء احد شرى منى يمكن تطيح بيد البياع الاصلي ويجيب خبرنا ونروح فيها كان نصير ذكريات وحشاشين منقرضين .. اتفقنا على الفلوس اننا نشتري بها حشيش ونبيعه مانشرب منه شي عشان الدخل يجي وافي كافي وتعاهدنا انا نبقى اخوان ولا للغدر والخيانه ..!

[صـ ع ـب المـ ن ـال]

وبدى نشاطنا بعد اسبوعين لما هدت العاصفه وقمنا نروج ونبيع من هالحشيش واحد شاري بألف والثاني بخمسميه وانتعش الاقتصاد الدولي لدينا وصرنا نكح خمسميه ونعطس شيك مفتوح وبدال ما اطلب اهلي فلوس انعسكت الايه صارو هم الي يطلبوني .. اخوي الكبير الي اول يستقعد لي صار كل يوم والثاني يطق باب الملحق ويقول ها السالم معك خمسين وهو يحك لحيته بوجه مستحي..؟ وانا من باب الكرم والانتعاش الاقتصادي الفائض لدي اعطيه خمسميه كامله بس لعانه اخليه يحب يدي وكتفي..!
وابوي الي اول على خمسه ريال يكتب علي عقد ويشهد اخواني اني ماجيه الا الاسبوع الجاي .. صار ياخذ مني واخليه يبصم انه مايجي الا بعد يومين ويكتب فيني قصيدة مدح .. صرت اصرف على اهلي واملى الثلأجه بفواكه ماقد شافوها اول مايعرفون الا البردقان الحين كيوي رايح فروله جايه .. صحيح انهم كل ماكلو شي شاريه انا طرشو لأنها فلوس حرام بس عادي اهم شي موفر لهم الي يبونه ..!
وخويي المنطعج ابن الكلب فسق فسقه بنت حرام .. صار يصرف على جار جارهم وعنده اربع جوالات وانواع البنات وطايح بالغزل وتغيرت حالته من بعد البنات صار ينعم يومياً .. الله يذكر ايام اول الحلاق يلاحقه بالحاره يقوله تعال بحلقك ببلاش .. لكم الله جلسته تغيرت اول لو تشوفونه جالس تقولون هذا من لآجئين مخيمات رفح من قو الفقر والحرمان والحين لا تغيرت جلسته تشوفه تقول مزعل فرحان يبي يطق له صوره البوم .. ولاطلع المنطعج من بيتهم جاي لمي يصير معه عبد ماسك ثوب لما يوصل ابوطعج بيتنا يفصخ الثوب الي عليه يرميه ويلبس الثوب الي ماسكه العبد ثم يرنه بطراق ويقول ارجع يابن المنغوليه (( فسقه جيزاني طايح على كنز فوق جبال عسير ..! ))
المنطعج يجي عندي بالملحق ونعقد مؤتمرات على سنع .. مهيب مؤتمرات الدول العربيه يجون ويرجعون ماازادو ولا نقصو .. لا لا مؤتمراتنا فيها غزو على الشعب السعودي يمتد نفوذه لحدود الرياض شمالاً و شرقاً والجراديه جنوباً .. نجلس انا وياه متقابلين ونفرش بالارض خريطه الرياض ونحدد اهدافنا ونلعب لعب متكتك 10-1-0 هجوم مافيه واحد وسط عشره دفااع ..!
ومرت الايام والاقتصاد يزود لدرجه ان البنك ااتصل علينا يقول بنحط نص فلوسكم بفرع ثاني معدلها محل عندنا (( اللهم زد وبارك .. احد يبي سلف !!))
وبينما الوليد بن طلال مدهر بالشركات والصفقات .. وابن سعيدان والموسى مدهرين بالاراضي .. والهوامير يلعبون على الشعب بالاسهم ويدهرون .. ف السالم و المنطعج ايضاً يدهرون لكن بالخفاء بالضلام بعيدن عن عيون الدوله ومحط الشبهات ..!
وذات ليله مليئه بالفجور والمعاصي كنت انا والمنطعج نكمخ من هالحشيش بالملحق والكل منا ساكت وخاش جو مع اجواء الشيطان وفجئه انبرش علي المنطعج وقال : ليه مانشتري رؤؤس نوويه ياالسالم ونهدد اسرائيل ..؟ وانا الصراحه خشت مزاجي هالفكره خصوصاً وانا تحت تأثيرالحشيش تحمست لها بعنف وسئلته من وين نشتري النووي ..؟ قالي المنطعج : ماعليك انا اعرف كم شيعي بالقطيف بخليهم يتوسطون لنا بسفارة طهران وإذا تعسرت الامور وماعطونا بنزور لهم ورقه وعليها ختم الخميني ويعطونا زي الحلاوه ..!



لما ضمنا النوووي قمنا نفكر بالفلوس عشان نشتريه وبالاخير قررنا نجيب رأس مال ونسوي شركه ونخلي الناس تساهم فيها ونسحب عليهم حالنا حال الهوامير والشعب السعودي طيب وحبوب ومخفه ماراح يقول شي وبعدها نشتري ونمتلك رؤؤس نوويه نهدد فيها مستقبل تل ابيب .. واستعدينا لطرح اسهم " امورك محلوله " بالسوق وجمعنا كل مالدينا وكثفنا النشاط الداخلي الا وهو البياعه .. وصرنا نبيع بتخفيضات عشان رمضان بيجي بعد سبع شهور وعشان نكسب زباين .. وفعلا انهالو علينا الدشير كل واحد بخمس الأف والثاني ب15 الف ريال وهكذأ لما جاني اتصال من شخص عزيز علي وطلب مني ابيع لشخص بقيمه 45 الف ريال وانا كنت بأمس الحاجه الى المبلغ هذا عشان نقدر نطرح الاسهم بالسوق .. ووافقت وصكيت السماعه من عنده واتصلت المنطعج وعلمته السالفه وقالي بع بع بع .. قلت يابن الكلب تراه مهوب سهم المواشي هذي مخدرات وانا محتار بالشي هذا .. قالي المنطعج هو خويك وانت ضامنه مرني وخلنا نطلع له سوى .. انا شفت المنطعج عادي عرفت اني موسوس فقط لاغير .. ومريت المنطعج وطلعت بسيارتي الفياقرا واتصل بي الطرف الاخر وقال انا بالمكان الفلاني وطلبت منه يغير مكانه تحسب لأي طاري وقالي اوكي .. هنا عرفت وتأكدت اني موسوس وفعلا وصلنا للمكان الي اتفقنا عليه وتمت البيعه واستلمت المبلغ 45 الف ريال والي اشترى حرك سيارته وراح .. وانا ما امداني احرك الا الحكومه محوطه بي مع كل اتجاه ورى وقدام ويمين ويسار(( دقة خطر )) ..!

ونزلو علينا بالرشاشات وانا اقول سلامات وش فيكم ..؟ والمنطعج خويي متفلت يقول للضابط نجماتك هذي بطيرها عشان ثاني مره تعرف شلون تتعرض لكبار الشخصيات بالمجتمع .. باللحضه هذي جاني رجال لابس لبس مدني وطلب مني بهدوء ومحبه اني اركب معهم قبل يجتمعون الناس وينفضح امرنا .. وبيني وبينكم صادق المكان عام والكل يعرف السالم من الشخصيات المرموقه بالمجتمع .. ركبت معه والمنطعج ركب سياره ثانيه وكنت ضامن اني بطلع لأن مامعي شي من الممنوعات ووصلنا للمكان المجهول " المكافحه ".. وفتشوني اول شي وحصلو المبلغ المالي وضحك المحقق وقالي خلاص ياالسالم طحت بالفخ والتهمه راكبتك .. سألته وش فيها فلوس اول مره اسمع ان الي معه 45 ألف ينسجن .. قام المحقق من كرسيه وجلس قدامي وقالي :الفلوس الي معك هي لنا والي اشترى منك مجرد شخص متعامل معنى والفلوس الي معطينه مسجلين ارقامها ولما اخذنا الفلوس الي وياك تطابقت الارقام .. يعني فلوسنا صارت عندك والسبب ترويج وقع ياالسالم وخل الشيخ يصدق الحكم عليك احسن من انك تماطل وتكبر قضيتك وتزود محكوميتك وعلى فكره موقع غصب لاطيب عشان من الحين ماتعاابط .. انا سكت وعرفت انها نهايتي .. نهايه العز وجلست اتذكر ايام الحريه وكيف كنت عايش وقطع حبل الذكريات صوت المنطعج خويي بالغرفه الثانيه يقول بأعلى صوت انا مراح اتكلم الا بوجود محاامي دفاع ..!
بالنسبه لي إنكشف امري عند ابوي واهلي .. وحضر ابوي واخوي واول ماجاء ابوي تفل بوجهي وقال انا داري انك تروج ولا من وين لك الفلوس بس اسكت عشان الله المستعان بس (( عشان إيش عشان ماتنقطع المعونه ؟ )) ..!
واخوي اول ماشافني صكني بطراق ويقول ليه تذلني تخليني احب يدك وكتفك ياكلب ..!
ابوي واخوي مشو من عندي ولا كأني ولدهم ولاشي وقبل يمشي ابوي قال للمحقق اذا تبون ترسلونه للشمس واوقع عادي هاتو الورقه(( صارحوني انا ولده ولاقطو ..! ))


وبعد ماطلع ابوي واخوي من عندي ذبوني انا والمنطعج بسيب اضلم فيه خمس غرف ويسمى المكان الي انا فيه " السجن الأنفرادي " كان فيه عسكري يمشي رايح جاي .. وفيه واحد مسجون معنى ماغير يأذن والصلاة خير من النوم شوي يقلب من موجه قناة المجد لقناة نجوم ويقعد يغني اغنية احلام اكثر من اول احبك ..!
ماعلينا من هالخبل الي مطوع بالنهار داشر بالليل علي من نفسي انا .. قمت افكر وانا بالسجن وش بسوي وش بقول .. وفكرت بخويي المنطعج وحيد امه يعني لو انسجن من بيتكفل بهالعجيز ..؟ وانا مع كثر التفكير نشف ريقي وناديت العسكري ابي منه شربه ميه ترد روحي شويه وقرب مني وسألني وش تبي ..؟ هو يوم قرب مني واقرى اسمه والقاه مرسي السالم وانا الي تطلع عيوني لحد ماوصلت عند اسمه ورجعت مكاانها الطبيعي .. وقلت له حيّ الله البناخي تكفي يالبناخي ابي خدمه .. يوم هزته تكفى واشوى انه ماحطه على الصامت ولاكان ماخدمني .. وقالي اطلب زودك وش تبي سم امر .. قلت ابيك تروح لخويي المنطعج اخر غرفه بالسيب وتقوله يقولك السالم لاحققو معك قلهم اني صديقه بس ومالي دخل بالترويج .. ومايخفاك ياعسكري هو وحيد امه وماعندها غيره اما انا عندي غير امي وابوي فريق مدرسه يكفي لا جو اخواني وتجمعو يصير بيتنا معرض سيارات .. ولو تفتح باب بيتنا ينكب عليك خمسه من اخواني من شدة الازدحام ..!
وماقصر العسكري راح وعلمه .. وما امداني افكر واتذكر ايام اول الا سمعت صوت عساكر يسحبون واحد وهو منشب رجوله بالارض طالع كنه عنز يسحبونها للمصلخ ويصايح بصوت عالي برئ برئ والصوت كنه صوت المنطعج وكل ماله يقرب الصوت لما شفته صار المنطعج .. كان يصارخ ويقول برئ .. وانا صدقت انه برئ من صياحه مع اني ادري انه يمثلّ لكن الكلب اتقن الدور .. راح المنطعج وجاء دوري واخذني العسكري ورحت عند محقق ثاني يسجل اقوالي .. دخلت عليه والقى ذاك الزنجي الدب القصير طالع كنه جركل المنهل ابو ثلاثه ريال وخشمه كأنه مروحة شفط حمامات مسجد ولابراطمه كنها كابرس عبد من عبيد الثقبه مطيح وساحب ام السست كلها .. وقالي بصوت كنه سيارة مدرس خصوصي مبوشه مابي عباطه اسئلك تجاوب تلف يمين يسار اخمك بطراق يخليك ترقص سامري عندي .. انا بيني وبينكم طقتني ام الركب وقلت له كل شي من طقطق لسلام عليكم وحتى عيارة اخوي الكبير قلتها له .. اهم شي لايجلدني وخويي المنطعج يطلع من السالفه .. صدقو اقوالي ووقعت ورحت عند الشيخ وتفل بوجهي وعطاني حكم اربع سنوات والمفروض يعطيني سنتين بس عشاني انا والمنطعج اخلفنا كثير من عقول شباب هذه الامه .. فكم شاب بأسبابنا تفصخ بنص حارتهم وقام يصايح يآكلك حبه حبه .. وكم من شاب احترقت خلايا مخه ماعدى واحده مسجل فيها " ابي حشيش " ..!
رحت للسجن عنبر11مخدرات وجلست فيه واستسلمت ورضيت بواقعي ومرت الايام تلو الايام .. وكل ليله بالسجن بلوت ولاقمار ماعندنا غيرها نفطر بلوت نتعشى قمار ..كان المراهن عليه بلعبه القمار بكت دخان وهكذا جرت الايام وكانت هالفتره هي الي طلعت فيها كتابي [ كفاحي والفقر ] وش اسوي فاضي وماعندي غير اكتب مذكراتي .. مرت اربع سنوات وكأنها قرن .. توقعت ان سوق الاسهم راح تتعدل اوضاعه وانا ماطلعت .. واخيراً جاء اطلاق سراحي في يوم من الايام ومن زود الفرحه ما نمت حتى طلت الشمس وبدى عمل كل موضف بسجن الحاير .. ولما جاء الصبح ناداني العسكري لمكتب الضابط وكنت مبسوط واخر وناسه لأني بطلع للحريه من جديد ..جلست فوق راسه واتذكر حارتنا والعيال والمنطعج واهلي وفاروق حق البقاله وكنت افكر وافكر وسؤال كالطوفان يجتاح خلايا مخي هل بيوم سأعود للمكان هذأ ..؟
أ.ه.
القصه من كتاب ((كفاحي والفقر)) صفحه ثمانيه وثمانين على يدك اليمين قدام مسجد الاميره الجوهره
سلااام

[صمت الجروح]

يعطيك العافيه
لي رجعه

[طال البعد ياناسي]

هههههههههههههههههههههههههههههههه




قصة زاحفة وانواع الحشيش تحصله فيها هع اما المنطعج مادري ليه مظلوم وفكل القصص لازم يكون حشاش او راعي بطول هع


يثبت ..


يعطيك العافية يالغالي على القصة وننتظر الجاي .....

[مايحتاج اوصيكـ]

لي رجعه
بس خلني اروق

[المراد]

لي رجعه بعد القراءة

تحياتي

[صـ ع ـب المـ ن ـال]

محد مروق وش السالفه يا شباب

[يهون عليك]

اسالفه عطنا حشيش او مكلونياااااااااااااااااااااا

هع هع هع هع هع

لي رجعه مع قصصصصصصصصصصصصصصصتك

[حبك طعجني]

ههههههههههههههههههههههههههههههههههههههههههههه ههههه هههه
ههههههههههههههههههههههههههههههههههههههههههههه ههههه هههه

الله يرجك يا السسسسسسالم والله ياني فقعت ضحك هههههههههههههههههههههه

ماخليت احد ماحكيته يا رنق الددسن خخخخخخخخخخخخخخخخخخخخخ

بس وضع التحشيش من بعد القصه هذي اشك انك محشش وانت كاتبها القصه هذي

خخخخخخخخخخخخخخخخخخخخ

عجل انا صوتي مرعب ومششششغل بشششير شنان مسسسسسسكين

الموقف هذا خليتني اعيششش فيه واتذكر حارتكم وانا مقبل على بيتكم متعدي مسجدكم

عششت الجو في الشارع هذا خخخخخخخخخخخخخخخخخخخخخخخخخخخ

تسسسسسسسسسسسسسسسسسسلم أصابيعك والله طلعت أطلق من هتلر في الكتابه

هتلر <---- سيفون ياحقير وانا كنت حاطك قدوتي في الكتابات

السالم<---- يابعد عمري لك أحلىى بوسه أموااااااااح على شفايفك العسليه


,ولك مني أحلىىىى تقيييم

خمسسسسسسسسسس نجووم وياعيال لاتنسون من التقيمااات

[المحتار الداج]

قصتك ذي يبيلها براد شاهي تلقيمه وانت تقراها
لي عوده

[يا حياتي]

هههههههههههههههههههههههههه


الله يررجكم خربتواا شباب الامه
خخخخخخخخخخخ


والله يستااهل اااحلى تقييم


اخووي الساالم

تسسسسسسسسسسسلم يمناااك يذيباان


وتقبل تحياتي

[رحآل !!]

ههههههههههههههههههههههههههههههههههههههههههههههههه


قسم بآلله طقيت ضححك صحيت كل آلجيرٍآن
< آبوٍك يآلنصب

ههههههههههههههههههههههههههههههههههههههههههههههه


حبك طعجني ذا مسكين بس مصيبه


خخخخخخخخخخخخخخخخخخخخخخخخخخخخخخخخخخخخخخ

< فآآآطس ضحك

اهنيك صرٍآآح ـه على حسك آلآمني وقنابلك النوويه


كلهـآ فلـه × فلـه

خصوصــآآآ

7
7
7
7
7

7

واركض ركض مايجيبني هادي صوعان

----------------------

خبره 1-1-9 واحد حارس واحد وسط والباقي هجووم ..!

----------------------

وافتش بالدرج والقى انواع الاوراق وارقام جوألأت والقى واحد اسمه شهيراز مهرو ورقم جواله صفر خمسااات (( شكله بياع هيروين بالبطحاء ))

----------------------

يصايح بنص الملحق الشنطه وينها ياالسالم لا يكون بتغدر فيني ترى تندم وربي تندم
8
8
8

الوسوسه لها دور كبير


----------------------

انبرش علي المنطعج وقال : ليه مانشتري رؤؤس نوويه ياالسالم ونهدد اسرائيل ..؟

----------------------

والمنطعج خويي متفلت يقول للضابط نجماتك هذي بطيرها عشان ثاني مره تعرف شلون تتعرض لكبار الشخصيات بالمجتمع

----------------------

منشب رجوله بالارض طالع كنه عنز يسحبونها للمصلخ ويصايح بصوت عالي برئ برئ والصوت كنه صوت المنطعج
8
8

هذي لحآآآآآلهــآآآآ هههههههههههههههههههههههههههههههههههههههههههههههههه هههههههههه


----------------------

والقى ذاك الزنجي الدب القصير طالع كنه جركل المنهل ابو ثلاثه ريال وخشمه كأنه مروحة شفط حمامات مسجد ولابراطمه كنها كابرس عبد من عبيد الثقبه مطيح وساحب ام السست كلها .. وقالي بصوت كنه سيارة مدرس خصوصي مبوشه

----------------------

لآهنت يآلغآلي

فله وزحف وجونآن مع قصصك آللي قصص هتلروه الاهبل المهايطي الكبير ماتسوى شي عنده



لك آحلى تقييم

تقبل مروري / رمــــآد

[المراد]

هههههههههههههههههههههههههههههههههههههههههه

انا نقلتها للجوال وقعدت اقراها فالمجلس وجالس اكتم الضحك عشان الناس مايشرهوون علي ويقوولوون وش السفيه يضحك مع نفسه

بس ماش

كل شوي نظره غريبه وكنهم يقولووون سلامات!!


اندمجت مع القصصصه ونسيت من حووولي

بس تعجبني طلعت كفووو وشلتها عن المنطعج خخخخخخخخخخ اجل يقوول بريء ههههههههههههههههه


لاهنت على القصه ولاتحرمنا من جديدك

[RAKAN]

ههههههههههههههههههه


فضااااااااااايح ياولد اجل تسجل على شرطان الدين الله يرجك ياشييييييخ

بعدين المنطعج ليش تظلمونه وطلعونه راعي خراب

وهو ولد عااااااااااااقل ومزيون وكله برائه

السالم اهنييييييييك من جد عالموضوع والله لايحرمنا جديدك

[سكود]

لي رجعه يالسالم

[مسـ ك ـين حالهـ]

والله القصة رووعهـ يا السالم أنا كنت أحسبها صدق لين ماجاكـ المنطعج
قلت وش جاب المنطعج من قطر لعندكـ وصح هو محششش لكن يحشش ويابخيت
ونعم الصديق والله ..
هههههه ههههه ههههههه

والله القصة روووعهـ كنت أسوي برزنتيشن ع الكمبيوتر لكن دخلت جو ويا القصه ...
\
لا تحرمنا من جديديكـ ..

[فـــدرالـــي الدكـــه...]

لي رجعه

[.:كحيلة العين:.]

ههههههههههههههههههههههههههههههه

طلعت هب هين يا السالم انت و قصصك ،، بس بصرااحه عليكم افكار ختيييره في كتابة القصص انت و حمدووو ( هتلر )

و الله يعين المنطعج اللي ما في قصه ما دخل فيها بطل هع هع

شكله المنطعج بينشهر من كثرة بطولاته في قصصكم / /

تسلم يمنااك يا السالم على القصه اللي نشف ريقي و انا اقراها من طوولها ><"

[زياد]

السالفه فيها المنطعج*************مكين محمد********خلوه بحاله****خخخخخخخخخخخخخخخخخخ

[بنت النور]

أحلى شي انو رماد حط المختصر المفيد ههههههههههههههههههههههههههههههههههههههههه



بس حمسني شكلها فللللللللللة القصة بس بصراحة طويلة يبيلها تركيز و أنا بنص وعيي



أرجعلها انشالله




يسلمو يالسالم خخخخخخخخخ