وشكنت تتصفح اول مادخلت النت ؟؟؟

[RAKAN]

السلام عليكم

هذا موضوع حلووووو وفيه سئوالين

ونبي صرااااحه فيها عشان نعرف

افكار بعضنا قبل ونضحك عليها هع

والمهم كل شي براسكم سويتوه قبل اكتبوه

<<<<< يموت على فضايح غيره


كم مدة معرفتك بالنت ؟؟؟؟؟؟

اول مادخلت النت وشكنت تتصفح بصراحه ؟؟؟؟



بنتظار اجاااابتكم


أخوكم /// راكان

[RAKAN]

هذي اول مشاركه مني وبنتظاركم

كم مدة معرفتك بالنت ؟؟؟؟؟؟

لي بالنت تقريبا من خمس سنين الى ست سنين


اول مادخلت النت وشكنت تتصفح ؟؟؟؟


اول مره دخلت بجهاز ابوي ودخلني عالقوقل على ماعتقد

وقالي اكتب اي شي ويطلعلك ,,,

واخبر اول شي كتبته صور هايلكس خخخخخخ
بس هذا الصحيح والله

وبعدين تطورت الحاله وصرت اكتب اشياء اخرى

مثل اغاني صور تفحيط وصور فنانين ومئارب اخرى

وصرت انا وقوقل اصحاب ورفاقه
ودرشه كتابيه كنت شبه مدمن عليها
وكنت اكبر نصاب بالدرشه ذاك الوقت هههههه,,,

ومرت الايام وطفشت راح وقتي بس اقراء واسرق صور
واغاني هههههههههههههههه
وحجرت لمدرس عندنا ابيه يعلمن اكثر عن
النت ودلني على منتدى هو يشارك فيه
منتدى حلو كنت اشوف فيه صور وحركات واسوي
حفظ الصوره باسم هع هع
وقعدت اسبوع ماعرف أسجل عضويه معهم هع هع

وعلمته وسجلني وبعدين تطورنا وصرنا نتميز
ومن منتدى بنات الى منتدى تفحيط لين وقفت بالدكه
وهنا توقف قاربي عن البحث عن منتديات اخرى ,,,

اخوكم /// راكان

[بنت القبايل]

وعليكم السلام ورحمه الله وبركاااته

كم مدة معرفتك بالنت ؟؟؟؟؟؟

تقريبا 5 سنوات

اول مادخلت النت وشكنت تتصفح بصراحه ؟؟؟؟

كنت اتصفح المنتديات واحب اقرأ المواضيع الي يحطونها

والقصص والمنتديات بشكل عاام


وعلى المسن


وبس

ومشكووور خيوووو ع الموضوع الحلووو

[RAKAN]

^
^
^
يسلموا والله عالتواجد السريع

يابنت القبايل

بس نبي فضايحكم ياعضاء اول مادخلتوا النت

وشسويتوا هههههههههههههه

اخوكم//// راكان

[كلكـ نظـر ..]

كم مدة معرفتك بالنت ؟؟؟؟؟؟
من ست سنين
اول مادخلت النت وشكنت تتصفح بصراحه ؟؟؟؟

الشاتات وبعدين حولة على المنتديات واخبر في منتدى مسجل فيه من 2003

ومشكور اخوي راكان على الموضوع

مستر .. ولآعــه

[المراد]

هههههههههههههههههههههه

موضووع محشش خخخخخخخخخخ

الوكاد بسدح لكم تجربتي وبعدين بقرا كتاباتكم

دخلت النت عام 2000 او 2001 قبل 7 سنوات تقريبا

واول موقع فتحته هو موقع ( اين) ayna <<<<< للحين مانسيت رابطه ههههههههه

وكنت اخش منتدى كازنوفا ( الظاهر ستايله ازرق ) بس ماعرف اشارك وكنت اظن ان المشاركه بفلوووس هههههههههه بس اجلس اقرا مواضيع ونكت

وكنت اكثر شي ابحث فيه هو موقع اين والردادي لان قوقل ذاك الوقت مافتح ولا انا ماعرفته وطبعا كنت ابحث عن اشياء ماله داعي

واكثر شي استلمته هووو سجل الزوااار خخخخخخخخخخخخ اكتب فيه شكر لاصحاب المواقع ومبسوووط من نفسي وانا اشوف كتاباتي ككككككككك واوريها للناس يعني اني صرت مشهوور خخخخخخخخ

بالنسبه للشات كنت اخش عن طريق برامج الشات مهووب الدردشه الكتابيه مثل برنامج ميكروسوفت شات <<<< الظاهر التغى الحين
وبرنامج الاميرسي اليهودي <<<< للحين موجوود وشغال وفيه جنل وروومات كثييييييييييييييييييييييييييره وفيه بلاوي كثيره

بعدها عرفت منتدى شنان القديم وكنت اخش عليه وبعد ماسويت لي ايميل وساعدني واحد سوري وسواه لي وسجلت بشنان

وبعدها شاركت بمنتديات كثيره برامج وغيرها

واليوم انا هنا اكتب

لاهنت راكان على الموضووع

[RAKAN]

ولاعه

تسلم ياخلفهم عالتواجد ,,,

المراد
ههههههههههههههههههههههه
كفوا والله اموت عالفضايييييح
وميركوسوفت اضننه سكر
وزين طلعت مثلي فيه احد علمك طريقة التسجيل والايميل خخخخخخخخخ
انا مدرسنا جاني بالمدرسه وعطاني اللقب وكلمة السر
وقالي ادخل هع هع وانا مدري وشسالفه
طبعا قبل خمس سنين
وبرنامج ميرسي اليهودي خخخخخخخخخخخ
جاري مداهمته هع هع

اخوك/// راكان

[الهاجري]

كم مدة معرفتك بالنت ؟؟؟؟؟؟
تقريبا 7سنوات





اول مادخلت النت وشكنت تتصفح بصراحه ؟؟؟؟

ادخل قوقل واكتب اغاني شعبيه بس هذا اول مادخلت النت اول مره

الله لايهينك ياراكان على الموضوووووووووووووع

[المحتار الداج]

كم مدة معرفتك بالنت ؟؟؟؟؟؟

تقريباً من يوم اني بثالث متوسط يمكن في عام 2000

اول مادخلت النت وشكنت تتصفح بصراحه ؟؟؟؟

والله كنت ادخل مقاهي ولا اعرف حتى كيف اشغل الكمبيوتر
ومع الايام بديت ادخل صفحة الانترنت واكتب في مواقع البحث
كلمات وتفتح لي مواقع
وبعدين كان عندي كمبيوتر بالبيت بالمستودع بكرتونه والله
ابوي كان فايز فيه في بطوله قولف
المهم قلت ليه مافتحته من كرتونه واشبكه واشغله
ومنا ومنا
وتوصيل وايرات واسلاك
وزحمه
بعدين اشتغل
وقمت اطق طق على الاوفيس اول شي
وصرت اعرف اكتب هع هع
وشوي شوي قلت لأبوي ابي انترنت
بركب لي مودم ههههههههههههههههه
يوم وديت الجهاز لمحل الكمبيوترات قال لي الانترنت ماراح يفتح معك على هذا الجهاز
كان جداً بطيء بس وقتها من قدي ههههههههههه
وقلت لأبوي ابي كمبيوتر وقال خلاص انجح من ثالث متوسط خخخخخخ
ونجحت وشريت لي جهاز جديد وسريع
اخبر شريته بـ 5000 ريال مكتبي LG وتونا العام عتقناه هههههههههههه
وكانت بدايات دخولي للمنتديات مع منتدى اغاني شعبيه
كنت جالس في مقهى وجا واحد من اخويا اخوي هههههههههههه
وجال قال افتح هالموقع تراه حلو وكتب لي الرابط وراح
وجيت بشارك بالمنتدى وطلب مني التسجيل
وطلب مني ايميل
وانا ماعندي ايميل .. وش الدبره ياولد
تعلمت بالغصب كيف اسوي ايميل
وسويت ايميل
وسجلت بالمنتديات
واشتركت بهالمنتدى من بداياته اظن في 2001
وتعلقت فيه الين عام 2006 اظن
والتزم راعيه وقفله
وكانت مشاركاتي يمكن 10 الآف هع هع ومراقب فيه

ومع الأيام صرت خبره بكل شي بالأوفيس والانترنت وكل شي بالكمبيوتر اعرف له والحمدلله
والله ولا احد علمني بالكمبيوتر ولا شي ابد
تعلمت من نفسي والحمدلله

وبس ههههههههه
>>مسك خط

[المحتار الداج]

المراد وش كان نكك في شنان !

[عــبــود]

كم مدة معرفتك بالنت ؟؟؟؟؟؟

يمكن من قبل اربع سنين تقريباً


اول مادخلت النت وشكنت تتصفح بصراحه ؟؟؟؟

اكثر مآ أدخل الشاتات الكتابيه وتطورنا شوي وصار شات صوتي مافيه الا قووة استهبآل وصرقعـه على الموجوودين وكل يوم بتطور جديد وبعدين سوا لي ولد قصرانا ايمييل .. جزآهـ أللـه خير وصرت ادماان عالنت مافيه الاكعابي للمقهـى عشان ساعه او ساعتين بالنت و بعدها كرهت الشاتات وتعلمنآ على المنتديآت
من منتدى الي منتدى الي أن وصلنآ لدكـة المحتآر


ومشكوور خيو رآآكآن ع الممموضوع

[مايحتاج اوصيكـ]

كم مدة معرفتك بالنت ؟؟؟؟؟؟

صار لي من قبل عام 2000 إذا مااخب ضني ..


اول مادخلت النت وشكنت تتصفح بصراحه ؟؟؟؟

اول بدايتي على الرسام :d
وبعدها شوي لعبته سوليتير العنكبوت
بعدها الورد ..

بعدها شوي شبت النت وكان كل شي ممنوع وتحت المراقبه ..
وكان فيه واحد من اخواني فنان في النت .. دايم عليه ناشب لي خخخخخخخخخخخ
واخوياه يجونه ويعلمونه وصار يعرف يسوي إيميل
الزبده انها ماسوت علي
طلبت منه إيميل
ذل امي شهرر كاامل ههههههههههههههههههههههههههه
بس اخرتها عطاني إيميل ..
المهم يوم دخلت النت
كانت امنيتي ادخل شااات ..
وكنت ادخل شات باسم بنت
تدرون ليه
ههههههههههههههههههههههههههه
على شان يجيني واحد ويسوي لي إيميل << يلعن ام الحاله الصعبه هههههههههههههههههههه
...
بعد الشات والكلام الفاضي ...
بديت ادور تفحيط وينه وين مكاانه
لين طحت على موقع تفحيط كوم او ما ادري وش اسمه المهم انه راعيه توه مقفل الموقع ..
ومدمن كسرات هههههههههههه مسكين .. اخبر اغنيه ظافر الشهري عزااااااااااااااااااه .. الي يقول 2000 فيها البكى اعمااني 2000 علي كله احزااان وانا داخل جو معه مسسسسسسسسكين خخخخخخخخخخخخخخ
...
وبعدها صرت ادور كسرات وشعبي...
بعدها صرت نفس راكان ادور الصور وما ادري ليه احفظها في الجهاز
بس اسم اني خزنت لي صوره ههههههههههههههههههههههه
بعدها سجلت في منتدى شنــان القديم ..
ولا اشارك وكان الي ماسك المنتدى الله يستر عليه يااامي خخخخخخخخخخخخ
الزبده اني زود مشاركاتي ..
وشوي شوي وحطني مشرف
وشوي عطاني خاصيه المراقبه خخخخخخخخخخخخ
تدرون ليه
على شان اسرق تواقيع الاعضاء .. الفلاش اخذ الرابط
واسوي لها حفظ بأسم خخخخخخخخخخخ
بس..
وبعدها من منتدى إلى ثاني وإلى الي بعده
لين وصلت لدكه المحتااار ..<< يالبا قلب محمد ...
...
وووووووووبس احس اني مسكت فيكم خط
خخخخخخخخخ

[العم أبو جراح]

كم مدة معرفتك بالنت ؟؟؟؟؟؟


من صف اول متوسط يعني قبل 7 سنواات


اول مادخلت النت وشكنت تتصفح بصراحه ؟؟؟؟


اغاني وشاتات كتابيه وبعدين تطورت وصرت شاتات صوتيه بعدين خلاص منتدياات

وكرهت شي اسمه شات بس الماسنجر ومنتدى ابو مباركـ


ولاهمت على الموضوع ياذيبان

[صـ ع ـب المـ ن ـال]

كم مدة معرفتك بالنت ؟؟؟؟؟؟

تعرفت على النت من عام 1997 عن طريق خالي

وفي تاريخ 18/7/1998 شريتلي جهاز وهو هاذا جنبي <<< محتفض فيه لذكرا

ومن شريت الجهاز وانا ادخل النت

ايام البطقاات هع هع هع هع

كنت اطر البطاقه طر من ابوي يجيبيل وحده فيها 30 ساعه ويقولي هاذي تكفيك لنهايت السنه هع هعهع هع هع هع



اول مادخلت النت وشكنت تتصفح بصراحه ؟؟؟؟


كنت متولع في لعبة الفيفا 1998 وتعال شف كيف اللعب

وكنت ادخل في شنان بنك ولد عمي كان انك (( أبوظاظا))
وكنت ادخل منتديات واجد بس ذلحين طاح سووقه

وكنت متووولع في الهجوووله والتفحيط هع هع هع هع هع

وبعدها اتجهة للاغنيه كسرات + شعبي

وكنت مشرف في العديد من المنتديات

ومن اشهرا
الدره للطرب والفنون ++ زاحف نت

وكنت مشرف في قسم التصميم

وكانت بداياتي في التصميم من عام 2000 بس كنت اطقطق من غير دروس ومع الوقت تعلمت اشياء واجد

وذلحين متكي في دكة المحتار ومنتدى يهتم في استعراض وهوايات شباب الشرقيه


ودمت في رعاية الله

[Ibrahim]

مدت معرفتي 5او6سنوات..

الاغاني وجريدة الرياض هع
الله يعطيك العافيه يا قلبي

[طال البعد ياناسي]

كم مدة معرفتك بالنت ؟؟؟؟؟؟

والله مدري من متى بس من فترة يمكن سبع او ثمان سنوات ..


اول مادخلت النت وشكنت تتصفح بصراحه ؟؟؟؟

اول مادخلت كنت اكثر شي ادخله الشاتات واذكر كان ماعندي ايميل هع بس ولد عمي ماقصر سوالي ايميل وعلمني الطريقة ، وبعدها اكنت اسوي بحث عن اغاني وطلع لي منتدى شنان وانا كنت ميح فالمنتديات واول منتدى شاركت فيه شنان وتعرفت على كم واحد وتقفل وسجلت فمنتدى عام وكنت احط مشاركات كثيره وصرت مشرف اول مرة اصيرفيها مشرف مين قدي هع وبعدها تطورت وصرت مراقب عام واللحين نائب المدير العام << لايغركم الاسم نائب بس مايحل ولايربط لازم يشاور المدير فكلشي والان ساحب على هالمنتدى بس لحين فيه نائب ، وفي نفس الايام اللي كنت فالمنتدى العام انفتح عاشق سراب وسجلت فيه ومع الايام صرت مشرف فيه وتسكر وانفتح دكة المحتار ، وسجلت فمنتديات كثيره بس اكثرهم ساحب عليهم

[خروج المغلوب]

كم مدة معرفتك بالنت ؟؟؟؟؟؟

قبل تقريبا 8 اشهر بس الحمد لله اشتهرت

وصرت معروف وحطونوي مشرف في منتدى اسمه دكة المحتار

اول مادخلت النت وشكنت تتصفح بصراحه ؟؟؟؟
شات ودردشة كتابيه وكان تفكيري بس كيف اتعرف على احد

ولاكان عندي ايميل كنت اعطيه رقم جوالي ههههههههههه


مشكور ياراكان واسف على التأخير في الجواب مادريت عن الموضوع الا الحين

[الكايد]

كم مدة معرفتك بالنت ..؟

كان عام 1999 و2000


اول مادخلت النت وشكنت تتصفح بصراحه ..؟

والله كنت اتصفح هههههههههههههههه الي راح راح << يعني مصرف بس الحين والله عقلت

وكنت فاجر قوقل كل شويء وانا فيه لين اخترقوه بسبتي هههههههه وكنت ادخل الشات وابي اتعرف ومسوي نكته وكل شويء يطردوني مراقبين لين طفشت من الشات وقال واحد من اخوياي الله يذكره بالخير عطاني رابط شنان وقال ادخله فيه اغاني شعبيه وكسرات وحركتات والله وادخل شنان بنك خويي كان نكه سبيعي عسل
وادمنت على شنان وكان فله يوميا وانا فيه وغيرت الرقم السري حق نك خويي << نذل خخخخخخخخ
وكنت حااقد على المحتار الداج لانه كان مرااقب << خخخخخخخخخخ وبعدها منتديات هجوله وتفحيط وكنت مهجول في جميع المنتديات احس مافيه منتدى ماشاركت فيه << وبقولكم سالفه كان فيه منتدى حسبي الله على راعيه
والله تضحكوون كذب علي راعي منتدى قالي جيب مشاركاتك 2000 واحطك مشررف وكنت ايامها ابي اكون مشرف حتى لو على قسم الشكاوي هههههههههه واشارك وأسرق مواضيع ويوميا مشارك وآخر شيء جحدني ههههههههههههههههه
والايميل سويته من نفسي والحين انا في دكة المحتار للداجين هع وادري سويت قصه << طفشان هع

وعلى فكره جهازي اول ماشريته لحد الحين وهو عندي << ماشالله هع

ويعطيك العافيه ياراكان وطلعت فضايحنا خخخخخخخ

تقبل مروري

[ليه خيبت الامل]

كم مدة معرفتك بالنت ؟؟؟؟؟؟

تقريبأ من 2003

اول مادخلت النت وشكنت تتصفح بصراحه ..

اول ما دخلت النت كنت ادور عن الحركاات اللي خبركم

كانت ثم الدعوى سهالات كل شي موجوود

بعدها اتجهت للاغااني الشعبيه والكسراات

وبدعها دخلت شنان

وبعد شنان قمت افتر في المنتديات اللين حصلت على مشررف في منتدي الدره

والحين من بينكم


وتسسسسسللم يا راكان

[RAKAN]

هههههههههههههههههههههههههههههه

فضاااااااااااااااااايح كلكم خخخخخخخخخخخ

<<<<<<< مسوي طالع منها هع هع

مشكورين ياحلوين على التواجد

وبصراحه ودي ارد على كل واحد واعلق عليييييييييه

بس طفشان حاليا ومصييري راجع وابستلمكم واحد واحد

خييييييييييكم /// راكان

[مسـ ك ـين حالهـ]

إحم إحم ..


أنا أول ماطبيت عالم النت من زمااان من يوم ماكنت صف سادس ابتدائي ..
أخذت دوره في الكمبيوتر وكنت أحسن واحد في البيت مع إني الياهل
وبعدها البابا << يحليلكـ
قال لو نجحت وجبت نسبه لك كمبيوتر خشب قلت تم
ونجحت وطلعت الثاني ع الصف ..
وإشترا لي كمبيوتر وكنت أدش ويا الشباب لعبه ضرابات مسدسات وأدمنت عليها وكنت بجيب العيد في المدرسه
والشيبه بيكسر الكمبيوتر فوق راسي لأنه تراجع مستواي ..

والحين العزبه تطورت وصار لي كمبيوتر بيت أخذته قبل سنتين بفلوس العسكريه والحين عندي لاب توب الحمد الله
في حالة تطور مستمر ..
والأشياء اللي كنت أخش عليها من النت أدور أغاني وصور كلوزرات وجي اكس كنت أحلم فيهم
وكنت أجمع أغاني بالموووت الحين عندي في الكمبيوتر مال البيت أغاني كسررات وشعبي فوق الـ 900 أغنيه
أح أح أح ..

وكنت فمنتدى بو سراب راحت أيامهـ ..
والحين مقابلين ويهي في منتدى ألبووو حموود ...

تسسسسسسلم ع الموضوع اللي ظهرت فيه فضايح الشباب ..

ههههههه ههههههههه ههههههههه


تقببل مروري ..

[خالد]

تقريبا 6 سنوات

واول موقع دخلته shnaan

wslamtkm

[ابو خالد 21]

كم مدة معرفتك بالنت ؟؟؟؟؟؟


من ثالث ابتدائي



اول مادخلت النت وشكنت تتصفح بصراحه ؟؟؟؟

كان عند ابوي جهاز مكتبي وكان يدخل الانترنت وانا اقعد اشوف

وبعد ين دخلت شوي شوي وتعلمت


اول موقع فحته طبعا حطيت بقوقل صور ربع وهاليووكس طلعلي عاشق ربع ههههههه


ياقدمه


ودخلته وانا ماعرف شي اقرا وادخل

وبعدين تعلمت اسجل بالمنتديات


كنت احط اي ايميل ويجي لانهم اول مايحطون تفعيل ومدري ايش


وعقب سويت ايميل


كل هذا انا متعلمه بنفسي

ادخل واقراء واتعلم هع

يوم صرت بخامس شرالي ابوي جهاز جديد وتعلمت عليه

وشريت لاب توب وقعد معي سنتين وخرب هع

والعام شريت لاب توب جديد وهذا انا عليه هع

والحين فتحت منتدى هع


وحركآآآآآآآآآآآت هههههه



مشكور اخوي رآكان على آحلى موضوع هع



<< كم مره قال هع

[المستقبل]

توني مبتدء في عالم المنتديات