مواقف من الحياه (3)

[جرحك دواي]

السلام عليكم ورحمة الله وبركاته

صباحكم ومساءكم خير

موضوع اليوم التعصب

فكرة :نبض المشاعر
تقرير:جرحك دواي



بدايه ماهو التعصب؟

التعصب هو التفكير بالايجابيه نحو جماعه تجمع الشخص علاقه معهم .


اي انه لايذكر عنهم الا المزايا والحسنات وان تاريخهم امجاد وبطولات

وان كانوا على خطأ

ومن دون التفكر بالغير كما وصى الاسلام على المسلم بالعدل مع من يحب ومن يكره

(يا أيها الذين آمنوا كونوا قوامين بالقسط شهداء لله ولو على أنفسكم أو الوالدين والأقربين)

اي ان من سلبيات التعصب الحكم بالعصبيه على حساب الأخرين

ومن مظاهره أن يفرح بأخطاء الآخرين وقد يشنع بها

في حين يتعامى عن أخطاء فئته وجماعته وإذا اعترف بها حاول أن يهون منها

ويعتذر لها ويدافع عنها.


من صور التعصب واشهرها ؟

التعصب القبلي :لاينكر الجميع ان لكل فرد احترامه وتقديره ابتداء منه الى قبيلته

ولكن من الاستحاله ان نقول هذه القبيله لايوجد بها عيب باحد من افرادها .

التعصب الرياضي :هذا الداء الفتاك الذي وصل بضعاف العقول إلى أن ينعكس على تعاملهم مع زملائ

هم ومع أهلهم ووصول مشاحنات وعداوات قد تمتد إلى المشاكسات والتكسير.


هذا مااردت ان اطرحه لكم

انتظر ردودكم و تعليقاتكم

مع فائق الاحترام

جرحك دواي

[خروج المغلوب]

ولانسى ياجرحك يداوي ان العصبيات ا لقبليه هي التي تؤثر بشكل كبييييييير

[RAKAN]

مزايييين الابل

مسابقات الشعراء

المحاورات الشعريه

اتوقع ان هذا اسباب رئيسيه للتعصب القبلي

اما الرياضي

اتوقع حب للفريق لااكثر <<<<< تراني متعصب رياضي مابي اعلق

جرحك

تسلم يالغلا عالموضوع

[مايحتاج اوصيكـ]

هلا وغلا اخوي رحال الثقبه خخخخخخخخخخخخخخخخ




من ناحيته التعصب القبلي ..
كل واحد يفتخر بقبلته ..
وكل قبليها وفيها حقهــا ... << خاانه التعبير ..


اما الكووه
الي يتعصب على شان كووه هذا خبــل مع احترامي للجميــع

[المراد]

المشكله الكلام عن الموضوع يمكن يزعل احد وانا ماحب احد يزعل مني

بس بقوول

ان التعصب القبلي هذا مقبول يعني يمكن يكون عادي بس التعصب الرياضي هذا ماله داعي

تعصب لقبيلتك وماتحب احد يتكلم عليها ولا ينقص من قدرها شي طبيعي لانها انتماءك ومصدر فخرك في السابق والحاضر وانت جزء منها فاللي يمسها بسبه ولا بشتيمه كأنه شتمك ولا سبك ومدحها مدح لك وابناء القبيله هم ابنا عمومتك اكيد تبي تقدمهم على غيرهم لانه تربط بهم علاقة دم وصلة قرابه حتى لو هي بعيده

اما الرياضي فهو تعلق بشي لاتربطك به قرابه ولا انتماء

،،

ولاحد يقول اني اشجع على العصبيه القبليه
لا
لا
لا
اقول هي لها اسباب تقدر تدافع نها
ولها ايجابيات كثيره
وشي يعتبر عند الشيبان انه مدح
بس
بعد فيها سلبيات اذا زادت عن حدها
او وصلت الى التعدي على الغير

لأن لك الحق تفخر بنفسك وبقبيلتك
بس مالك حق تنقص من قدر الآخرين او تصادر ايجابياتهم

،،

وبعد

العصبيه القبليه قديييييييييييييييييييييييييمه من يوم جساس يذبح كليب وتشب بينهم الحرب ويجيك سالم المهلهل ويعلن الحرب <<<<< يبي يقص القصه ؟

وجاء الاسلام وما الغاها أو قال لا أحد يفخر بقبيلته
بس علمنا ان يكون تعصبنا للأسلام
ويكون حماسنا للأسلام
ويكون حب الاسلام هو المقدم على القبيله

بس الناس للحين فيهم جاهليه
تسب المسلمين عادي عنده
بس تسب القبيله يجيب أجلك

المسلمين يذبحون ويعذبون يمكن يحزن بس مايتحرك
واحد من القبيله يجيه شي تشووف الفزعااااااات

،،

وانا من خلال نظرتي المستقبليه اللي دايم تصدق ( الحمد لله ) احم احم

اقوووول
ان
العصبيه ماراح تنتهي ابدا

يمكن تخف شوي

ويجي اوقاااات تزووود زياده

بس ماتطفي أبد

صحيح ان فيه ناس ابا قبايل ولو تسأله والله مايدري وين ربي حاطه ولا يعرف قبيلته ولا يهتم لشي

بس فيه طفال صغار مربينهم اهلهم على علوم المرجله

،،

وبدووون تحيز لللقبائل ولا لغيرها

نشووف ان القبيله تمنعك من اشياء كثيره تنقص من قدرك

يعني فيها اشياء خطأ مانسويها

ولا فيه شي يردنا الا لأنها ((( عيب )))

او لأنها مهيب من ((( عاداتننا ))) ولا من ((( سلومنا )))

يعني مثل الدخان كلن يعرف انه حرام بس الناس تدخن وماهمها الحرام

بس التدخين داخل المجلس اللي فيه رجال كبار ((( عيب ))) ونشووف ان الشباب مايدخنون بحظور الشيبان ماقصدهم الحلال والحرام ولا الخوف بس عشان محد ((( ينقد ))) عليه ولا يقوله مايعرف (((( السلوووم ))))

مثال ثاني : الغناء

مثال ثالث : اللبس


والكلام يطوول بس ما احب اطول بس ابختم كلامي بآيه من القرآن الكريم

قال تعالى:
"إنا جعلناكم شعوبا وقبائل لتعارفوا إن أكرمكم عند الله أتقاكم "

،،

لاهنت على الموضووع

[SKTR]

^^^

كفيت ووفيت يالمراد وماازود على كلامك شيء

[خروج المغلوب]

اووووووووووووول مره اشوف المراد يطول في كتابته ههههههههههههههههه

ماشالله وكله ثقافه بعد تقول يسولف لحاله


واعجبتني كلمته فخامته التاليه

بس التدخين داخل المجلس اللي فيه رجال كبار ((( عيب ))) ونشووف ان الشباب مايدخنون بحظور الشيبان ماقصدهم الحلال والحرام ولا الخوف بس عشان محد ((( ينقد ))) عليه ولا يقوله مايعرف (((( السلوووم ))))


السلوووووم: جمع سلم يعني سلم القبيله وحقها في سمعتها

ههههههههههههههههههههههههههههههههههههههههههه

[طال البعد ياناسي]

يعطيك العافية يالغالي على الموضوع ..

[جرحك دواي]

خروج المغلوب : بلاشك

راكان :نعم هذه بعض الاسباب ولكن لايمكننا ان نتخلى عن العادات والتقاليد وبالنسبه للكوره اشوف ان مالها سنع

هتلر :كلن ورايه وتفكيره وانا اخوك

المراد : لااختلف معك بماذكرت ولكن اخالفك بنقطه واحده اننا نخاف ان يدرون عنا القبيله بس بالاساس المفروض

نخاف الله

سكتر : نفس رد المراد

خروج المغلوب : يالبى قلبك شكلك تحرق وماهمك احد

عيونك اخر امالي :الله يعافيك يااخوي

منورين يالغالين وماقصرتم

[ابو غزلان]

صحيح لك شخص يفتخر بقبيلته بس مو اتعالا على الناس وكالنا عبيد الله احترام الناس اهم شي واشكرك على هذا الموضوع

[جرحك دواي]

8

88

888
اقوى تحيه من خلف الشاشه الفضيه

بيض الله وجهك

وردك هو زبدة الموضوع

[وديع القلب]

الواحد يفخــر بقبيلته
ولا يخطــى على النااس
وان القنوات الفضائيــه هي الي زاد الشــي بابعد الحدوووووووووووووود
عندك الساحه,الواحه,الخليج وغيرره
والكلام يطوول في التعصب القلبي
ولاهنت

[ابو غزلان]

ان اشهد وانا كاتب في هذا الموضوع قصيده وترقبوها قريبن

[المحتار الداج]

^^
ننتظر القصيد.

ومازود على كلام الشباب شي كفو ووفو ..