المساعد الشخصي الرقمي

مشاهدة النسخة كاملة : الدبكات ومدح القبايل

RAKAN
03-12-2007, 07:13 PM
السلام عليكم

مووضوعي اليووم عن الدبكات السوريه مدح القبايل فيها

طبعا كتبت الموضوع لان اليوم واحد ارسلي مقطع

اغنيه دبكه وانواع المدح في قبيلته

مثل لعييييييونك يال ......

وسئلت اللي ارسل المقطع قلت ليش تخليها تمدح في قبيلتك قال فيه ناس
ثانين من قبيله ثانيه بعد تاركين اللي تغني تمدحهم
وصارت تحدي بينا لين انا وهم طفرنا <<<< شي طبيعي

يمكن هذا سبب من الاسباب

المهم طرا علي هالموضوع وقلت خلن نطرحه لكم
وهو وشرايك باللي حاصل بالمراقص مع شبابنا

يعني اسم قبيله مشهوره تلوثه رقاصه بصوتها
وانا ماني ضد المدح لا
بس قبيلتك امدحها بقصيده
أذكر افعالها مو تمدحها في مرقص !!!!!

ماتحسون انه ضحك علينا اواستخفاف بالعقول
من راعين المراقص لئن لوتفكر تلقاهم هم الكسبانين بالنهايه

هذا ماعندي واترك لكم المايك لتعلقووون على هالقضيه
وعلى قولتهم دق الكاسسسه بالكاسه
كلكـ نظـر ..
03-12-2007, 07:25 PM
والله مصخره

عقب ما كانوا يمدحون في المعارك والبطولات صاروا يمدحون بالمراقص وعلى السنة الساقطات المغنيات

ولا اذا قالت عاشو شباب الـ ..... تلقاه قام ينقط فلوس ومسوي زحمه

ولو جيته بالحلال وقلت له تبرع قال اسكيوزمي طفران وعلى الحديده

هذا حال شبابنا الله يصلحهم ويهديهم

وما ودي اكثر بالكلام واخاف تصير علوم لاني ان انفلت انفلت :s1:

والله يهدي شبابنا

ولاهنت على الموضوع

مستر .. ولآعــه
RAKAN
03-12-2007, 08:22 PM
^
^
^

فعلا مسخره والله
طال البعد ياناسي
03-12-2007, 10:52 PM
يارجال احين في بعض الرقاصات فسوريا قامو ينسبون روحهم حق قبايل وهم مالهم دخل فيها !!
وديع القلب
03-12-2007, 11:11 PM
نقط يابوو عرش ومدري وش
والراقصات يستانسوون
اذا احد نقط
واله ما عندهم سالفـه
والمشكــله الشباب راضيــن
وتلاقيــه فااااااااااااااااااااااااقد < مسطــل

ومثل ما قال ولاعه كانو اول يمدحون في المعارك وفــي الحرروب
والحين يمدحون في المراقــص
لاحوول الله
الله يهدي شبابنا
ولاهنت ياراكان
RAKAN
04-12-2007, 01:17 AM
عيونك أخر أمالي

تسلم والله على الاضافه ومثل ماقلت تلقانه

تنسب نفسه لقبيله معينه

بس المشكله انا مسمع هالاغاني ولا كان فضحة فيهن هع هع


وديع القلب

كلامك عسل ياعسل وفعلا تلقاهم راضييين

مثل أللي عطاني المقطع يفاخر بسمه وأسم قبيلته

وانا بموضوعي ماقول لاتروحون روحوا وتفرجوا وفلوها بس

لاتخسرون نفوسكم على اموووور تافهه وتشوه سمعة قبيله

على لسان انسانه ندعيلها بالهدايه
المحتار الداج
04-12-2007, 01:36 AM
قلة دين ..
قلة حيا..
استهتار..
تفاخر بالمنكر..
خروج المغلوب
04-12-2007, 02:50 AM
هذا مااانعانيه وبصـــــراحه كثيييييييييييير مااسمع رقاصات يغنون بأسم قبيلتي

اصلا انا مااطيق الدبكات السوريه ولاعمري رحت هناك والله لايحدني ارووح

بس اسمع فديتك يافلان عتيـــــــــــــــــــــــــــــــــــــــــــــــ ــــبي


بفهم هذا الي قال للرقاصه قولي اسمي يحسبها مرجله ولا يرفع راس قبيلته

بالعكس الا يوطي راس قبيلته الله ياخذه

وبصراحه مااعتبره مهب عتيبي لأنه كسب ذنب وجاهر بذنبه قدام الناس

وفي مكان غير شريف
rotana
04-12-2007, 03:33 AM
ضعف الوازع الديني وتفاخر بالمنكر .. فيه حديث بمامعناه [ فاذا ابتليتوا فاستتروا ] لاكن الناس هنا مبتلين ويفضحون انفسهم ..!!

برررررررب نوم بكره دوام :(
حبك طعجني
04-12-2007, 04:28 AM
انا بختصر الكلام صارت عاده

وطبعا جو مرقص الى مرقص ثاني يختلف :s1:

فيه مراقص هشك بشك :s1:

وفيه مراقص محترمه <--- كيف محترمه :s1:


بنسبه لي اشووف احلى شي يقول القب حقه ويفك نفسه :s1:

احلىىىى يا بوطعج

ابو طعج للصبح وللصبح ابوطعج



يالبى المراقص على بلاطها اخذوها والصراحه راحه :s1:
RAKAN
04-12-2007, 02:04 PM
من جد ياعيال تفاخر بالمنكر

اما انت يا أبوطعج اسفين على الازعاج يامروق أنت هع هع
المراد
04-12-2007, 02:42 PM
خلهم يفلونها ،،

هم ماطلعوو الا للشي ذا

والاغنيه لاترفع ولاتهبط

لاهنت ياراكان على الطرح المميز
مسـ ك ـين حالهـ
04-12-2007, 03:45 PM
أشوف الدبكات عادي لكن لايمدح في القبايل يمدح رووحه
ياحرام يالعقرب يالمتهور ..
ياحرام ماشوف غير اللاند كروز ..
ياحرام ونعم والله عود الموز ..
سلم سلم سلم سلم سلم سلم سلم لعيووووونك ولهان
سلاااااااااااااااااااااااااااااااام الحبايب واجب ...

ههههههه ههههههه ههههههههه

الدبكات منها تروق ع نفسكـ شوي ...
ويالبى هبه مسعود إن كان تعرفها ..
أكيــــــــيد المنطعج عارفها ..

ههههههه هههههههه ههههههههه


ووتسللللللللللم ع الطرح ...

تقبــل مروري ،.،...

مســ ك ــين حالهـ
RAKAN
04-12-2007, 05:33 PM
المراد

اسفييين على الازعاج مثل المنطعج هع

شكلكم تحبون أغاني الدبكااات

ومثل ماقلت ماراح الا يبي يستانس

مسكين حاله

صح كلامك هذا اللي ابي أوصله

امدح نفسك وبسمك بس قبيلتك كرمهاعن المراقص

وبالنسبه لهبه والله ماسمع دبكات يالغالي عشان كذا ماعرفها

بس بنبحث ونسممممع ليه لا

او يجي المنطعج يفيدنا عنها هع ,,,,


تسلموووووون عالتواجد
Ibrahim
05-12-2007, 02:41 AM
ما عندي تعليق لاني ما احب الدبكات ..ولا احب الرقاصات..
عشان كذا ..رد عني ياراكان وانا اخوك...
الله يعطيك العافيه وآسفين على المقاطعه!
مايحتاج اوصيكـ
05-12-2007, 10:49 AM
لاهنت خيووو
على الموضوع المتميز ...


وما عندي اي تعليق على هذا
الموضووووووووووووووووووووووووع ...
ونتظر الجديد ...