يا برنسيسه (سالم ابن جخير)

[يا حياتي]

قصيده للشاعر سالم ابن جخير العرجاني



العمر محدود ولاّ الوقـت لـه دوره
وانا الى الحين واحزاني هي احزاني

والوقت لو جار ماهتميت من جـوره
بدري على الوقت يامرني وينهانـي

شفني هنا والنجـوم هنـاك منثـوره
ان كان ماطلتها مانيـب عرجانـي

شاعر واحب الشعر واغوص فبحوره
كـن القصايـد تعزوابـي وتنخانـي

والشاعر اللي لا غنّى يقفد شعـوره
يستاهل انك تجي لمشاهـده عانـي

والجادل اللي معي بالصوت والصوره
تاقف على بـاب فكـري ماتعدانـي

كنهـا تـردد بعـون الله منصـوره
وكنها تغذا علـى دمـي وشريانـي

احيان فيها عقل واحيـان مطيـوره
واحيان تخطي علي وتقـول بلعانـي

تضحك على لهجتي لاقلت ماجـوره
والحين صـارت بلهجتنـا تحدانـي

ماهي على الوصل ملزومه ومجبوره
تقرب وتبعـد وتذكرنـي وتنسانـي

تقول كان الغلا في جـوف سبـوره
قم اكتب اسمي غلا ولاّ قم امحانـي

لبّـى الغـلا يابرنسيسـه ياسنيـوره
امن الغلا ماذكرت اسمك على الساني

اخاف مـن واحـدٍ لادق لـي زوره
قدام عيني والى من رحـت يقفانـي

يامطلعة شاعر الابداع عـن طـوره
الى متى والخطـا منـك يتمثنانـي

تخطين واسامحك واقـول معـذوره
اروح فيها لمن قلتـي علـى شانـي

القلب بستان وانتي اجمـل زهـوره
مايقطفك من خفوقـي واحـدٍ ثانـي

تربّعي دام لـك فالقلـب مقصـوره
والله ماانسى غـلاك ان الله احيانـي

[عــبــود]

صــح لسـآن شـاعرهـا

قيصيدهـ روووعه

سلمت يمنـآك يالوآهبي

[يا حياتي]

لاهنت عبوووود على الطله

[المراد]

صح لسان الشاعر على القصيده الحليووه


لاهنت

[بنت القبايل]

صح لسانه

ويسلمووو خيو ع النقل

تقبل تحياتي

[حمضيات]

صح لسانك و لسان الشاعر

مشكوررررر

[يا حياتي]

لاهنتووووو


على الطله الحلوووه

[خالد]

صح لسانه

يعطيك العافيه..

[فـــدرالـــي الدكـــه...]

صح لسانك

ولاهنت ياذيب

[قاهرهم]

يعطيك العافية وسلمت يمناكـ

[فـــدرالـــي الدكـــه...]

صح لســانك ياكفو

والى الامام